Мытня спыніла ўвоз у Беларусь з Літвы партыі шакаладу па заніжаным кошце

16 ліпеня, Позірк. Гродзенскія мытнікі спынілі ўвоз у Беларусь з Літвы партыі шакаладу па заніжаным кошце, паведаміла 16 ліпеня прэс-служба Дзяржаўнага мытнага камітэта.

Паводле інфармацыі ведамства, партыю шакаладу перамяшчаў праз пункт пропуску Беняконі (з літоўскага боку — Шальчынінкай) малдаўскі перавозчык на грузавіку DAF.

Пры праверцы высветлілася, што рэальны кошт партыі — 460 тыс. рублёў. Гэта ў некалькі разоў больш, чым было заяўлена ў дакументах, якія кіроўца прадставіў пры афармленні.

Эканомія на мытных плацяжах магла б скласці звыш 45 тыс. рублёў, адзначыла ведамства.

Цяпер перавозчыку давядзецца даплаціць адсутныя плацяжы, а таксама штраф — да 30% кошту прадмета правапарушэння.