Выканаўцам абавязкаў кіраўніка прадстаўніцтва ААН у Беларусі стаў Эрол Ардуч

1 чэрвеня, BPN. Эрол Ардуч 1 чэрвеня пачаў працу ў якасці выконваючага абавязкі пастаяннага каардынатара ААН у Беларусі, паведамляе прэс-служба прадстаўніцтва.

Да яго прадстаўніцтва ўзначальвала Іаана Казана-Вішнявецкі (прыступіла да абавязкаў пастаяннага каардынатара ААН у Беларусі 15 траўня 2018 года).

У лютым Ардуч заняў пасаду прадстаўніка Упраўлення вярхоўнага камісара ААН па справах уцекачоў (УВКУ) у Беларусі.

Ён з’яўляецца адвакатам, спецыялістам у галіне права прытулку і правоў чалавека. У структуры УВКУ працуе з 2002 года.

Раней быў кіраўніком місіі УВКБ у Косава, а таксама займаў розныя пасады ў Замбіі, Венгрыі, Грэцыі, Украіне, Швейцарыі, Кеніі, Іране, Судане і Турцыі.

Пачаў сваю кар’еру ў якасці адваката, практыкуючы ў Германіі і Турцыі. Ардуч мае вучоныя ступені ў міжнародным публічным праве і праве Еўрапейскага саюза, а таксама акадэмічныя сертыфікаты ў паліталогіі і філасофіі Бонскага ўніверсітэта (ФРГ).

Прадстаўніцтва ААН у Беларусі адкрылася ў 1992 годзе. У мандаце ААН у Беларусі выказваецца гатоўнасць “падтрымаць і ўмацаваць нацыянальныя намаганні, накіраваныя на вырашэнне найбольш важных праблем эканамічнага развіцця і садзейнічаць сацыяльнаму прагрэсу і павышэнню ўзроўню жыцця”.