За дачыненне да кантрабанды затрыманы грамадзянін Польшчы, беларускія цыгарэты ён хаваў у камбайн

18 верасня, Позірк. Аб затрыманні 58-гадовага грамадзяніна Польшчы, датычнага да кантрабанды цыгарэт з Беларусі, паведаміла Памежная ахова краіны.

Паводле яе інфармацыі, супрацоўнікі заставы ў Кузніцы заўважылі “аб’ект, які скідаў скруткі”, і накіраваліся на месца. Яна выявілі, як мужчына грузіў у камбайн кардонныя скрынкі з цыгарэтамі.

Усяго памежнікі канфіскавалі шэсць 6 скруткаў з больш чым 1,5 тыс. пачкаў цыгарэт. Іх арыенціровачны кошт склаў каля 31 тыс. злотых (больш за 8.100 долараў).

Мужчыну прад’яўленыя абвінавачванні па Крымінальна-падатковаму кодэксу. У дачыненні да яго ўстаноўлены паліцэйскі нагляд і забарона на выезд з краіны. Падкрэсліваецца, што ён унёс 15 тыс. злотых (амаль 4 тыс. долараў) у кошт будучага пакарання

Паведамляецца, што з пачатку 2026 года супрацоўнікі Падляскага аддзела Памежная аховы выявілі перапраўленыя паветраным шляхам кантрабандныя цыгарэты на суму больш за 6,9 млн злотых (больш за 1,8 млн долараў). Затрыманыя 43 чалавекі.