Памілаваны Пратасевіч выключаны са “спісу экстрэмістаў”, адначасова туды ўнесена яшчэ 14 чалавек (дапоўнена)
2 лютага, Позірк. Памілаваны Раман Пратасевіч, некалі апазіцыйны блогер, выключаны са спісу асоб, “датычных да экстрэмісцкай дзейнасці”, звярнуў увагу 2 лютага праваабарончы цэнтр “Вясна”.
Пратасевіч і яго сяброўка расіянка Сафія Сапега былі затрыманыя 23 траўня 2021 года ў выніку арганізаванай беларускімі ўладамі вымушанай пасадкі ў Мінску самалёта Ryanair, што ляцеў з Афін у Вільнюс. Мужчына пайшоў на здзелку са следствам. 3 траўня 2023 года яго асудзілі на 8 гадоў пазбаўлення волі па “справе NEXTA”. 22 траўня ён быў памілаваны (Сапегу, асуджаную на 6 гадоў зняволення, памілавалі ў чэрвені).
Нягледзячы на памілаванне, 1 снежня МУС унесла Пратасевіча ў “экстрэмісцкі спіс” з паметкай “судзімасць не пагашана”. У пералік тады ж былі дададзеныя іншыя фігуранты гэтай справы: Ян Рудзік (19 гадоў пазбаўлення волі) і Сцяпан Пуціла (20). Іх асудзілі завочна ў рамках спецыяльнай вытворчасці.
Адначасова з выключэннем Пратасевіча 2 лютага Міністэрства ўнутраных спраў унесла ў пералік яшчэ 14 чалавек, зараз у ім 3.753 пазіцыі (некаторыя асобы ўнесеныя ў спіс двойчы).
Згодна з абноўленым дакументам на сайце МУС, 11 унесеных у спіс асуджаныя паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх). ГэтаМаксім Бушчык (1995 года нараджэння), Яўген Данчанка (1992), Ксенія Каспяровіч (1993), Дзмітрый Кузьма(1987), Раман Кур’яновіч (1993), Яўген Куянцаў (1971), Вераніка Махнач (1988), Фёдар Савановіч (19), Юлія Сіроткіна (1986), Віктар Сцяпурка (1962), Дзяніс Хахлоў (1977).
Дададзены ў пералік Ілля Сухан (1986) асуджаны паводле арт. 3411 (прапаганда або публічнае дэманстраванне, выраб, распаўсюд нацысцкай сімволікі або атрыбутыкі), а Артур Голубеў (1990) у дадатак да ч. 1 арт. 342 прызнаны вінаватым яшчэ паводле трох артыкулаў — ч. 2 арт. 366 (гвалт або пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак), ч. 1 арт. 368 (абраза прэзідэнта), арт. 369 (абраза прадстаўніка ўлады).
Уладзімір Марозаў (1980) асуджаны паводле ч. 1 арт. 130 (распальванне <…> варожасці або варажнечы), ч. 3 арт. 2031 (незаконныя дзеянні ў адносінах да інфармацыі пра прыватнае жыццё і персанальных звестак), ч. 3 арт. 361 (заклікі да санкцый, іншых дзеянняў, накіраваных на прычыненне шкоды нацыянальнай бяспецы), ч. 1 і 2 арт. 3614(садзейнічанне экстрэмісцкай дзейнасці), ч. 1 арт. 367 (паклёп у дачыненні да прэзідэнта), ч. 1 арт. 368, арт. 369, ч. 2 арт. 342.
Згодна з заканадаўствам, фінансавыя аперацыі асоб, уключаных у “спіс экстрэмістаў”, кантралююцца “з мэтай прадухілення легалізацыі даходаў, атрыманых злачынным шляхам, і фінансавання экстрэмісцкай дзейнасці”.
Цягам пяці гадоў пасля выканання судовых рашэнняў людзі з гэтага пераліку не могуць займацца педагагічнай і выдавецкай дзейнасцю, быць на дзяржслужбе, карыстацца зброяй.
- Палітыка
- Палітыка
- У межах ЕАЭС за першую палову 2024 года 99,2% усіх інвестыцый у Беларусь паступіла з РасііМатэрыял даступны толькі падпісчыкам ПОЗІРК+
- Грамадства, ПалітыкаКДК адхіліў новаўвядзенні ў сістэму рэагавання на надзвычайныя сітуацыі, дакумент прадставіла МНС пасля ліпеньскага ўрагануМатэрыял даступны толькі падпісчыкам ПОЗІРК+
- Палітыка
- Грамадства, ПалітыкаВа ўрадзе заклапаціліся сістэматычным невыкарыстаннем сродкаў, выдзеленых на ліквідацыю наступстваў чарнобыльскай аварыіМатэрыял даступны толькі падпісчыкам ПОЗІРК+
- Палітыка
- Грамадства, Палітыка
- Грамадства, Палітыка
- Грамадства
- Эканоміка
- Грамадства, Палітыка
- Грамадства, Палітыка
- Грамадства
- Грамадства
- Грамадства
- Палітыка, ЭканомікаКДК паскардзіўся Лукашэнку і Караніку на безгаспадарчасць у Іўеўскім раёне, якім кіруе былы ідэолаг МУСМатэрыял даступны толькі падпісчыкам ПОЗІРК+
- Грамадства, Эканоміка
- Эканоміка
- Грамадства, ПалітыкаХроніка палітычных рэпрэсій за 25–26 снежня 2024 годаМатэрыял даступны толькі падпісчыкам ПОЗІРК+
- Грамадства
- Грамадства
- Грамадства
- ЭканомікаЗа апошні год беларуская эканоміка страціла 20 тыс. работнікаў (дапоўнена)Матэрыял даступны толькі падпісчыкам ПОЗІРК+
- Палітыка
- Выбары, Палітыка
- Эканоміка
- Грамадства, Эканоміка
- Грамадства, Палітыка
- Грамадства