Журналіст Карней абвінавачаны ва “ўдзеле ў экстрэмісцкім фарміраванні”, суд пачнецца 19 сакавіка

2 сакавіка, Позірк. У Мінскім гарадскім судзе 19 сакавіка ў 10:00 пачнецца разгляд справы журналіста Ігара Карнея, які абвінавачваецца паводле ч. 3 арт. 361¹ КК (уваходжанне асобы ў склад экстрэмісцкага фарміравання ў мэтах здзяйснення злачынства экстрэмісцкай накіраванасці — удзел у экстрэмісцкім фарміраванні), вынікае з раскладу на партале электроннага судаводства.

Працэс будзе весці суддзя Сяргей Кацар, які, згодна са звесткамі праекта “Грамадзянскі кантроль судовай сістэмы”, з 2020 года вынес каля 170 рашэнняў па адміністрацыйных і каля 30 прыгавораў па крымінальных справах паводле артыкулаў, якія часцей за ўсё сведчаць пра палітычны характар пераследу.

Пра вобшук у доме і наступны арышт журналіста на 10 сутак 17 ліпеня 2023 года паведаміла яго дачка.

Ігар Карней доўгі час супрацоўнічаў з незалежнымі медыя.