Ціханоўская: 8 сакавіка — нагода заявіць аб недапушчальнасці гвалту ў дачыненні да жанчын
8 сакавіка, Позірк. Міжнародны жаночы дзень з’яўляецца “нагодай заявіць: гвалт недапушчальны, гвалт нельга апраўдаць”, заявіла 8 сакавіка дэмакратычны лідар Святлана Ціханоўская ў звароце на сваім ютуб-канале.
“Трагічная смерць дзяўчыны Лізы ў Варшаве ўзрушыла не толькі беларусаў, але і людзей па ўсім свеце, — адзначыла палітык. — Гвалт у дачыненні да жанчын часта замоўчваецца, але пра гэта трэба казаць. Падобных гісторый, як ні страшна гэта ўсведамляць, вельмі шмат. На месцы Лізы магла аказацца кожная”.
Ціханоўская падзякавала “за смеласць” беларускіх жанчын, якія пасля трагедыі падзяліліся ў медыя “асабістымі гісторыямі”, звязанымі з гвалтам.
“Дзякуючы такім гісторыям я бачу, што жанчыны навучыліся нават праз боль адкрываць вочы іншым на тое, што перажываюць велізарная колькасць дзяўчынак, дзяўчат і жанчын. Вы дзеліцеся гісторыямі, ведаючы, што можаце сутыкнуцца з каментарамі “сама вінаватая” або “няма чаго было правакаваць”. Я хачу нагадаць кожнай з вас, хто сутыкнуўся з гвалтам: вы не вінаватыя. У гвалце заўсёды вінаваты той, хто яго здзейсніў”, — сказала Ціханоўская.
1 сакавіка грамадзянка Беларусі Лізавета, якая 25 лютага падверглася згвалтаванню і спробе забойства ў цэнтры польскай сталіцы, памерла ў бальніцы.
Пасля нападу дзяўчына так і не прыйшла ў прытомнасць, увесь гэты час яна была падключана да апарата штучнай вентыляцыі лёгкіх у аддзяленні інтэнсіўнай тэрапіі адной з варшаўскіх клінік.
Па справе аб нападзе затрыманы 23-гадовы мужчына. Ён арыштаваны на тры месяцы.
6 сакавіка ў Варшаве некалькі тысяч чалавек узялі ўдзел у акцыі “Яе звалі Ліза” памяці памерлай беларускі.
За тры дні на пахаванне дзяўчыны было сабрана больш за 110 тыс.злотых (каля 28 тыс. долараў).
Некалькі тысяч чалавек у Варшаве ўшанавалі памяць памерлай пасля згвалтавання беларускі (дапоўнена)
6 сакавіка, Позірк. Некалькі тысяч чалавек 6 сакавіка ў Варшаве ўзялі ўдзел ў акцыі “Яе звалі Ліза” памяці памерлай пасля згвалтавання беларускі Лізаветы. Мітынг памяці адбыўся каля месца нападу на яе па адрасе Żurawia, 47, дзе знаходзіцца стыхійны мемарыял. Затым …