Памежная ахова Польшчы паведаміла пра спробы кантрабанды беларускіх цыгарэт з дапамогай паветраных шароў
11 сакавіка, Позірк. Дзве спробы кантрабанды цыгарэт з Беларусі спыненыя супрацоўнікамі Памежнай аховы Польшчы, паведаміла 11 сакавіка прэс-служба ведамства.
Заяўляецца, што інцыдэнты зафіксаваныя Падляскім аддзяленнем памежнай аховы.
“Супрацоўнікі пагранзаставы ў Кузніцы выявілі паветраны шар з тытунёвымі вырабамі <…> недалёка ад горада Панятовічы (Сакульскі павет). Ва ўпакоўцы было 500 пачкаў цыгарэт без польскіх акцызных марак на суму больш за 8 тыс. злотых (больш за 2 тыс. долараў)”, — гаворыцца ў паведамленні.
“Аналагічная падзея адбылася некалькімі днямі раней на ўчастку, які ахоўваецца пагранзаставай у Пласцы”, кошт гэтай партыі таксама ацэнены ў 8 тыс. злотых, удакладнілі ў ведамстве.
“Кантрабандысты, карыстаючыся спрыяльнымі ўмовамі надвор’я, асабліва ветрам, што дзьме ў бок Польшчы, выпускаюць паветраныя шары з цыгарэтамі. З улікам сілы і кірунку ветру яны ацэньваюць месца магчымага прызямлення шароў”, — адзначаецца ў рэлізе.
Ведамства паведаміла аб узбуджэнні крымінальнай справы “ў сувязі з гэтымі падзеямі”. Устанаўліваюцца асобы, якія маюць дачыненне “да адпраўкі і атрымання незаконных грузаў”.
“Узмацненне захадаў бяспекі на польска-беларускай мяжы, уключаючы ўстаноўку фізічных і электронных бар’ераў, прывяло да таго, што кантрабандысты ўвесь час шукаюць новыя спосабы кантрабанды нелегальных тытунёвых вырабаў”, — заявіла Памежная ахова Польшчы.
Літоўскія памежнікі перахапілі два беспілотнікі з беларускімі цыгарэтамі
8 сакавіка, Позірк. Супрацоўнікі Службы аховы дзяржаўнай мяжы Літвы (САДМ) перахапілі два беспілотныя лятальныя апараты (БПЛА), якія пераносілі грузы з кантрабанднымі беларускімі цыгарэтамі. Як адзначае прэс-служба ведамства, у адной партыі кантрабанды было 500 пачкаў цыгарэт "Мінск Капітал QS", дрон быў …
