Кавалеўскі абмеркаваў з чэшскімі дыпламатамі візавыя праблемы беларусаў
Прага
14 сакавіка, Позірк. Візавыя праблемы беларусаў абмеркаваў з чэшскімі дыпламатамі ў Варшаве намеснік кіраўніцы Аб’яднанага пераходнага кабінета (АПК) Валер Кавалеўскі, паведаміла 14 сакавіка прэс-служба АПК.
На сустрэчы з амбасадарам Чэхіі ў Польшчы Бржэціславам Данчакам і палітычным дарадцам амбасады Пятром Марышкам ён адзначыў, што “з пачаткам поўнамаштабнага ўварвання Расіі ва Украіну”, якое адбылося ў тым ліку з тэрыторыі Беларусі, “сітуацыя з візамі для беларусаў моцна змянілася”. Бакі “абмеркавалі магчымасць пошуку рашэння гэтай праблемы” на ўзроўні МЗС Чэхіі..
Перамовы таксама тычыліся праекта “пашпарта новай Беларусі”, еўрапейскай перспектывы для Беларусі і “каардынацыі пазіцый” беларускіх дэмсіл і Прагі ў міжнародных арганізацыях.
Кавалеўскі згадаў, што Чэхія была першай краінай, “што прыняла параненых беларусаў пасля падзей 9 жніўня 2020 года”, і падзякаваў за падтрымку, якую яна “працягвае аказваць беларускаму дэмакратычнаму руху”.
Сёлета напрыканцы лютага партал České noviny са спасылкай на прэм’ер-міністра Чэхии Пятра Фіялу паведаміў, што Прага ўвяла бестэрміновую забарону на выдачу віз і дазвола на жыхарства грамадзянам Расіі і Беларусі.
Разам з тым кіраўнік урада заявіў пра неабходнасць стварыць умовы для прадстаўнікоў апазіцыі і студэнтаў, якія “не хочуць мець нічога агульнага з дадзенымі рэжымамі, каб яны маглі вучыцца, працаваць <…> на тэрыторыі Чэхіі”.
“У правілы ўключаны шэраг выключэнняў, але мы працягнем над гэтым працаваць”, — сказаў Фіяла.
Чэхія ўвяла бестэрміновую забарону на выдачу віз і ВНЖ грамадзянам РФ і Беларусі
22 лютага, Позірк. Чэхія ўвяла бестэрміновую забарону на выдачу віз і відаў на жыхарства грамадзянам Расіі і Беларусі, паведамляе партал České noviny са спасылкай на прэм'ер-міністра краіны Пятра Фіялу. Адначасова, паводле яго слоў, неабходна стварыць умовы для прадстаўнікоў апазіцыі і …
