З 2021 года з-за загарод на мяжы загінула 45 дзікіх жывёл — Дзяржпагранкамітэт

5 чэрвеня, Позірк. З верасня 2021 года “беларускім бокам зафіксавана 45 выпадкаў склону жывёл, якія сталі ахвярамі пагранзабораў Літвы, Латвіі і Польшчы”, зазначаецца ў паведамленні Дзяржпагранкамітэта.

Апошні выпадак, паводле інфармацыі ДПК, зафіксаваны 4 чэрвеня, калі “на беларуска-літоўскай мяжы ў Пастаўскім раёне пагранічны нарад знайшоў загінуўшага лася”.

Адзначаецца, што “жывёла накіроўвалася з Беларусі ў Літву, але спроба пераадолення еўрапейскага заградагароду аказалася для звера смяротнай”.

“Лось ўпаў ад кровастраты на беларускай тэрыторыі паблізу пагранічных слупоў”, — гаворыцца ў рэлізе.

Усяго на мяжы з Літвой “з пачатку ўстаноўкі суседзямі небяспечных загарод папала 28 дзікіх звяроў: 17 ласёў, 10 казуль і адзін алень”, адзначыла ведамства.

Узвядзенне суседнімі краінамі ЕС загарод на мяжы з Беларуссю звязана з міграцыйным крызісам на ёй, які працягваецца з вясны 2021 года. У першыя дні чэрвеня напружанасць на мяжы Беларусі з суседнімі краінамі Еўрасаюза працягнула нарастаць.