На другім этапе вучэнняў войскі Беларусі і Расіі адпрацуюць выкарыстанне нестратэгічнай ЯЗ — Мінабароны РФ
11 чэрвеня, Позірк. Пытанні сумеснай падрыхтоўкі расійскіх і беларускіх войскаў “да баявога прымянення нестратэгічнай ядзернай зброі” будуць адпрацаваныя на другім этапе адпаведных вучэнняў, пра пачатак якога 11 чэрвеня паведаміла Міністэрства абароны РФ.
Паводле сцвярджэння ведамства, вучэнні скіраваныя на “падтрыманне гатоўнасці асабовага складу і тэхнікі часцей баявога выкарыстання нестратэгічнай ядзернай зброі” дзвюх краін “у мэтах безумоўнага забеспячэння суверэнітэту і тэрытарыяльнай цэласнасці Саюзнай дзяржавы”.
Напярэдадні пра ўдзел беларускіх вайскоўцаў у другім этапе вучэнняў паведаміў міністр абароны Віктар Хрэнін.
“Сёння мы дзейнічаем на апярэджанне, планава падвышаючы гатоўнасць да выкарыстання так званай зброі адплаты”, — сказаў ён, дадаўшы, што мерапрыемствы, звязаныя з удзелам Беларусі ў гэтых вучэннях, “праводзяцца ў інтарэсах гарантавання ўласнай бяспекі і з’яўляюцца планавымі”.
“Мы не маем мэты па стварэнні хоць бы якой напружанасці ў пытаннях гарантавання рэгіянальнай бяспекі. Мы не праецыруем адпаведныя ваенныя пагрозы на трэція краіны ці на каго-небудзь. Мы мірная дзяржава, нікому не пагражаем і не імкнемся да канфрантацыі ні з кім”, — заявіў Хрэнін.
Пра правядзенне вучэнняў нестратэгічных ядзерных сіл 6 траўня заявіў Генштаб Мінабароны РФ. На наступны дзень Аляксандр Лукашэнка распарадзіўся правесці ў Беларусі “раптоўную праверку сродкаў — носьбітаў нестратэгічнай ядзернай зброі” з “падачай спецбоепрыпасаў у ракетныя і авіяцыйныя вайсковыя часці”, загрузкай на пускавыя ўстаноўкі і падвескай на самалёты.
9 траўня было абвешчана, што расійскі прэзідэнт Уладзімір Пуцін і Лукашэнка дамовіліся “сінхранізавацца” і разам “правесці другі і трэці этап” ядзерных вучэнняў.
- Палітыка
- Палітыка
- Палітыка
- ПалітыкаХроніка палітычных рэпрэсій за 17 кастрычніка 2024 годаМатэрыял даступны толькі падпісчыкам ПОЗІРК+
- ЭканомікаУсе вобласці Беларусі другі месяц запар дэманструюць запаволенне росту ВРПМатэрыял даступны толькі падпісчыкам ПОЗІРК+
- Эканоміка
- Палітыка
- Палітыка
- Грамадства, Палітыка
- Палітыка
- Грамадства
- Эканоміка
- ЭканомікаBEROC: Эканамічны і электаральны цыклы ў Беларусі цесна ўзаемазвязаныя (падрабязна)Матэрыял даступны толькі падпісчыкам ПОЗІРК+
- Палітыка
- Палітыка
- ЭканомікаБольш за ўсё за год прадукты харчавання ў ЕАЭС падаражэлі ў Беларусі і РасііМатэрыял даступны толькі падпісчыкам ПОЗІРК+
- ГрамадстваПрацадаўцаў абавяжуць кампенсаваць выдаткі на мэтавікоў ў выпадку непрымальная іх на працуМатэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка
- Палітыка
- Грамадства
- Грамадства
- Грамадства, Палітыка
- Палітыка
- Грамадства, Палітыка
- Эканоміка
- Палітыка, Эканоміка
- Палітыка