Супрацоўніца санаторыя Belorus пазбаўленая волі на 6 гадоў паводле абвінавачання ў “агентурнай дзейнасці”
11 чэрвеня, Позірк. Мінскі гарадскі суд прыгаварыў Алену Раманаўскене — загадчыцу маркетынгавай службы размешчанага ў літоўскім Друскінінкае санаторыя Belorus — да 6 гадоў пазбаўлення волі, вынікае з паведамленні тэлеканала АНТ.
Справа разглядалася ў закрытым рэжыме. Паводле версіі абвінавачання, Раманаўскене, а таксама дырэктар санаторыя (без пазначэння імя) больш за 10 гадоў таму былі завербаваныя Дэпартаментам дзяржаўнай бяспекі (ДДБ) Літвы.
Сцвярджаецца, што яны “неаднаразова перадавалі звесткі пра пастаяльцаў, якія прыбывалі на адпачынак, у тым ліку пра высокапастаўленых беларускіх чыноўнікаў”.
“Таксама супрацоўнікі перадавалі літоўскай спецслужбе розныя дакументы, а дырэктар установы даў падпіску пра негалосную супрацу з ДДБ і рэгулярна браў хабар. Яго асудзілі на 9 гадоў пазбаўлення волі, ён ужо адбывае пакаранне”, — паведаміў 11 чэрвеня тэлеканал.
Літоўскі партал 15min.lt раней паведамляў, што ў 59-гадовай Раманаўскене, якая нарадзілася ў Мінску, маецца беларускае грамадзянства.
Летась жанчына была кандыдатам на выбарах у муніцыпальную раду Друскінінкая. У анкеце, апублікаванай выбарчай камісіяй, маюцца яе звесткі.
Вышэйзгаданы партал у студзені са спасылкай на міграцыйную службу паведаміў, што галоўнаму ўрачу санаторыя Belorus Іллі Епіфанаву анулявалі дазвол на жыхарства ў Літве, паколькі ён “можа ўяўляць пагрозу нацыянальнай бяспецы”. Мужчына не змог уехаць у краіну напярэдадні Калядаў.
8 кастрычніка 2023 года ў эфіры канала СТБ Епіфанаў заяўляў, што санаторый прыняў “некалькі заездаў” беларускіх грамадзян. Паводле яго слоў, за папярэднія два гады з аздараўленчай установы звольнена каля 200 супрацоўнікаў. “Гэта вельмі значна, балюча”, — казаў ён.
У снежні 2022 года КДБ паведаміў пра затрыманне былога галоўнага ўрача санаторыяў Belorus і “Беларусь” (Сочы, РФ) Андрэя Кобеля паводле ч. 1 арт. 356 КК (здрада дзяржаве) нібыта за шпіянаж на карысць Літвы. Працэс па яго справе распачаўся 16 жніўня 2023 года ў Менгарсудзе — у закрытым рэжыме.
Да 2020 года Belorus належаў Галоўнаму гаспадарчаму ўпраўленню Упраўлення справамі прэзідэнта. У 2020 годзе праз санкцыі ЕС у дачыненні да ведамства былі заблакаваныя рахункі друскінінкайскага санаторыя.
Аздараўленчая ўстанова аднавіла працу толькі пасля таго, як з Упраўлення справамі прэзідэнта сышоў уключаны ў санкцыйны спіс Віктар Шэйман. У сярэдзіне чэрвеня 2021 года ўрад Беларусі змяніў заснавальніка санаторыя, перадаўшы яго ў распараджэнне Рэспубліканскага цэнтра па аздараўленні і санаторна-курортным лячэнні насельніцтва.
- Палітыка
- Палітыка
- Палітыка
- ПалітыкаХроніка палітычных рэпрэсій за 17 кастрычніка 2024 годаМатэрыял даступны толькі падпісчыкам ПОЗІРК+
- ЭканомікаУсе вобласці Беларусі другі месяц запар дэманструюць запаволенне росту ВРПМатэрыял даступны толькі падпісчыкам ПОЗІРК+
- Эканоміка
- Палітыка
- Палітыка
- Грамадства, Палітыка
- Палітыка
- Грамадства
- Эканоміка
- ЭканомікаBEROC: Эканамічны і электаральны цыклы ў Беларусі цесна ўзаемазвязаныя (падрабязна)Матэрыял даступны толькі падпісчыкам ПОЗІРК+
- Палітыка
- Палітыка
- ЭканомікаБольш за ўсё за год прадукты харчавання ў ЕАЭС падаражэлі ў Беларусі і РасііМатэрыял даступны толькі падпісчыкам ПОЗІРК+
- ГрамадстваПрацадаўцаў абавяжуць кампенсаваць выдаткі на мэтавікоў ў выпадку непрымальная іх на працуМатэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка
- Палітыка
- Грамадства
- Грамадства
- Грамадства, Палітыка
- Палітыка
- Грамадства, Палітыка
- Эканоміка
- Палітыка, Эканоміка
- Палітыка