Беларускія грамадскія арганізацыі ў Літве адмежаваліся ад “літвінізму”
12 ліпеня, Позірк. Зарэгістраваныя ў Літве беларускія грамадскія арганізацыі падпісалі сумесную дэкларацыю, у якой адмежаваліся ад ідэалогіі “літвінізму”, якая “расколвае літоўскі і беларускі народы”, паведамляе партал Delfi.
Дэкларацыю падтрымалі Беларуская нацыянальная платформа (БНП), грамадскія арганізацыі Dapamoga і “Літвіны”, Беларуская Рада культуры і інш.
Паводле слоў прадстаўніка БНП Мікалая Кванталіяні, “літвінізм” створаны штучна, вырашчаны ў прабірцы ФСБ і КДБ”.
“Мы катэгарычна не прымаем спробы пасварыць нашы народы. Гэта шкодная рыторыка, падрыхтаваная спецслужбамі Крамля і рэжымам Лукашэнкі. Яны імкнуцца пасварыць літоўцаў з беларусамі. І тут вельмі важна аб’яднаць нашы намаганні, каб супрацьстаяць такім спробам”, — сказаў Кванталіяні.
Пра магчымасць прыняцця сумеснай заявы беларускіх дэмакратычных партый і прадстаўнікоў Сейма Літвы па пытанні “літвінізму” паведаміў “Позірку“ 11 ліпеня дарадца Святланы Ціханоўскай па канстытуцыйнай рэформе і парламенцкім супрацоўніцтве Анатоль Лябедзька.
“Праект дакумента знаходзіцца ў стадыі абмеркавання. Мы б хацелі, каб ён стаў нашай супольнай палітычнай заявай”, — падкрэсліў Лябедзька па выніках прэс-канферэнцыі, на якой былі падведзеныя папярэднія вынікі працы дэмсіл з міжфракцыйнай дэпутацкай групай “За дэмакратычную Беларусь”.
Дарадца Ціханоўскай паведаміў, што 18 зарэгістраваных у Літве беларускіх арганізацый прадставілі на прэс-канферэнцыі сумесную дэкларацыю ў сувязі з “так званай ідэяй “літвінізму”.
У дакуменце, паводле слоў Лябедзькі, выказана “катэгарычнае непрыманне любых дзеянняў і выказванняў, якія штучна наносяць разлад у адносіны двух народаў”. Адзначаецца, што “літвінізм”, “відавочна, прасоўваецца спецслужбамі Крамля і рэжыму Лукашэнкі для стварэння негатыўнага вобразу” беларусаў і літоўцаў у вачах адзін аднаго.
“Гэты псеўдагістарычны наратыў з’яўляецца тыповай спробай справакаваць канфлікт паміж двума суседнімі народамі, якія ніколі ў гісторыі не ваявалі і не варагавалі адзін з адным”, — гаворыцца ў дэкларацыі.
19 жніўня 2023 года дэпутат літоўскага сейма Лаўрынас Кашчунас (цяпер займае пасаду міністра абароны) заявіў, што беларускія дэмакратычныя сілы павінны занепакоіцца ў сувязі з праявамі “літвінізму” з боку іх суайчыннікаў. Верагодна, ён меў на ўвазе публікацыі ў сацсетках, у асноўным ананімных карыстальнікаў, у якіх спадчына ВКЛ называецца выключна беларускай і заяўляецца гістарычнае права Беларусі на частку тэрыторыі цяперашняй Літвы.
23 жніўня Ціханоўская па выніках сустрэчы са спікерам парламента Літвы Вікторыяй Чміліце-Нільсэн заявіла, што праблема “літвінізму” створаная штучна, пераважная большасць беларусаў “наогул не чула пра гэта”.
На думку Ціханоўскай, спрэчкі на гэтай глебе выгадныя толькі расійскаму і беларускаму рэжымам. На пытанне, што б яна сказала “беларусам, якія вераць у ідэю “літвінізму”, дэмлідар рэкамендавала ім “звярнуцца да гісторыкаў”, а не ўступаць у палітычныя дэбаты.
ДДБ Літвы не знайшоў у краіне пагрозлівых арганізаваных груп "літвіністаў"
20 сакавіка, Позірк. У Літве "няма арганізаваных груп, якія прапагандуюць ідэалогію літвінізму", якія маглі б "уяўляць пагрозу незалежнасці, канстытуцыйнаму ладу і тэрытарыяльнай цэласнасці краіны", заяўляе Дэпартамент дзяржаўнай бяспекі (ДДБ) гэтай балтыйскай краіны. З адпаведнай заявай ДДБ выступіў у сувязі з “павелічэннем у …