Рыжанкоў абвінаваціў Польшчу ў нежаданні вырашаць праблему на мяжы з Беларуссю
15 ліпеня, Позірк. Беларусь гатова да дыялогу па сітуацыі на мяжы з Польшчай, заявіў журналістам міністр замежных спраў Максім Рыжанкоў 15 ліпеня перад семінарам для кіраўнікоў дыпламатычных прадстаўніцтваў і консульскіх устаноў.
“Мяч на польскім баку, — цытуе чыноўніка дзяржаўнае агенцтва БелТА. — Мы гатовыя да дыялогу, і прэзідэнт на гэта настроены. Але, відаць, польскаму боку не вельмі цікава вырашэнне гэтага пытання. І, напэўна, у яе планах працяг нагнятання напружанасці на мяжы”.
Паводле слоў Рыжанкова, ва ўзвядзенні загарод на мяжы “няма неабходнасці, тым больш яны не з’яўляюцца перашкодай для мігрантаў”. “Але некаму, напэўна, цікава апрыходаваць такія сумы, вырашаць пытанні менавіта не канструктывам, а стварэннем новай жалезнай заслоны”, — сказаў ён.
Да Варшавы, паводле слоў кіраўніка МЗС, было даведзена, што Беларусь гатовая “прыняць любую польскую дэлегацыю, любых польскіх экспертаў, адмыслоўцаў, прадстаўнікоў кіраўніцтва для таго, каб разам паглядзець сітуацыю на мяжы”.
“Калі вы ведаеце, дзе гэтыя лагеры [па падрыхтоўцы мігрантаў да незаконнага перасячэння мяжы], калі вы ведаеце прадстаўнікоў праваахоўных органаў Беларусі, якія займаюцца падобнымі дзеяннямі, — калі ласка, прыязджайце, пакажыце любую кропку на тэрыторыі Беларусі, і мы вам забяспечым любы доступ. І гэтыя фэйкі будуць абвергнутыя. Але польскі бок ад гэтай прапановы адмовіўся”, — сцвярджае Рыжанкоў.
Для Беларусі, адзначыў ён, непрымальная сітуацыя, калі Польшча выстаўляе палітычныя патрабаванні ў сувязі з праблемай на мяжы.
“Мы прапануем любым іншым арганізацыям, прадстаўнікам краін ЕС, якія тут знаходзяцца, таксама прыехаць на мяжу, паглядзець, паразмаўляць, падыскутаваць, намеціць нейкія планы”, — сказаў чыноўнік.
Бліжэй да восені, паведаміў міністр, будзе арганізаваны “вялікі брыфінг з удзелам праваахоўных органаў і міжнародных арганізацый”, на якім плануецца “падрабязна разгледзець пытанні нелегальнай міграцыі і абстаноўку на беларуска-польскай мяжы”.
Дзеянні Польшчы на мяжы Рыжанкоў назваў “абсалютна ліхаманкавымі, бессістэмнымі”. “Нічога, акрамя вялізных нязручнасцей перавозчыкам, сярод якіх у асноўным толькі польскія перавозчыкі (адпаведна рашэнням Еўрасаюза), нічога, акрамя гуманітарных праблем для грамадзян, якія перасякаюць мяжу, сярод якіх і дзеці, гэтыя дзеянні не прыносяць”, — сцвярджае кіраўнік МЗС.
Афіцыйны Мінск, паводле яго слоў, заўсёды быў прыхільны “выбудоўванню добрасуседскіх стасункаў і трансгранічнай супрацы”. “У рэчышчы гэтых падыходаў заўсёды прапаноўвалі польскаму боку супрацоўніцтва па вырашэнні любых пытанняў, якія ўзнікаюць на нашай мяжы. Гэта наша мяжа, мы разам адказныя за яе. Але польскі бок пад рознымі падставамі ўхіляецца ад рэалізацыі нашых прапановаў”, — сказаў ён.
Аляксандр Лукашэнка, выступаючы 2 ліпеня на ўрачыстым сходзе, прысвечаным Дню незалежнасці, у чарговы раз заявіў, што нелегальныя мігранты ідуць у Еўрасаюз, бо іх туды “паклікалі”, у Беларусі іх “лавіць не будуць”.
З вясны 2021 года на мяжы Беларусі і Еўрасаюза працягваецца міграцыйны крызіс, які ўлады Польшчы і краін Балтыі называюць “гібрыднай атакай”, арганізаванай рэжымамі ў Мінску і Маскве.
13 чэрвеня на польска-беларускай мяжы пачала дзейнічаць буферная зона, пакуль тэрмін быў вызначаны ў 90 дзён. Паводле інфармацыі МУС Польшчы, дзякуючы ёй колькасць спробаў парушэння мяжы скарацілася прыкладна на траціну.
26 чэрвеня прэзідэнт Польшчы Анджэй Дуда па выніках сустрэчы са старшынёй КНР Сі Цзіньпінам, якая адбылася ў Пекіне, адзначыў, што “гібрыдная атака” на беларуска-польскай мяжы стала перашкодай для рэалізацыі кітайскай ініцыятывы “Адзін пояс — адзін шлях”. Днём раней МЗС Кітая заявіў, што разлічвае на паважлівыя ўзаемаадносіны Польшчы і Беларусі і вырашэнне праблемы на мяжы “шляхам кансультацый”.
Паводле слоў кіраўніка МЗС Польшчы Радаслава Сікорскага, Варшава разглядае магчымасць закрыцця ўсіх пунктаў пропуску на мяжы з Беларуссю — для грузаў, але не людзей.
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян