Чувашыя гатовая памяняць суставы тромстам беларусам — кіраўнік расійскага рэгіёну
![](https://pozirk.online/wp-content/uploads/2024/07/tazobedr_sustav_ortho_rudenko1128x752.jpg)
15 ліпеня, Позірк. Чувашская Рэспубліка гатовая аказаць беларусам дапамогу па замене суставаў, паведаміў кіраўнік гэтага суб’екта Расіі Алег Нікалаеў 15 ліпеня ў Мінску на сустрэчы з Аляксандрам Лукашэнкам.
Паводле слоў расійскага чыноўніка, у Чэбаксарах сярод іншага дзейнічае федэральны цэнтр артапедыі і эндапратэзавання.
“Па гэтым напрамку калегі выказалі патрэбу, што для жыхароў Беларусі замена суставаў актуальная, — цытуе госця прэс-служба Лукашэнкі. — І мы тут гатовыя, калі трэба, падставіць плячо. Калі неабходна, да 300 чалавек мы гатовыя прыняць з Беларусі і аказаць высокатэхналагічную медыцынскую дапамогу”.
Анансуючы візіт чувашскай дэлегацыі ў Беларусі, Нікалаеў напісаў у сваім тэлеграм-канале, што “ёсць настрой на павелічэнне тавараабароту ў 2024–2025 гадах, перш за ўсё гэта тычыцца харчавання і сельскагаспадарчай сыравіны”. Ён таксама праявіў цікавасць да супрацы ў галінах грамадскага транспарту, выкарыстання штучнага інтэлекту, распрацоўкі адзіных лічбавых платформ для тэхнікі, станкабудавання, робататэхнікі, беспілотных тэхналогій.
Лукашэнка на сустрэчы адзначыў, што ў 2022 і 2023 гадах тавараабарот паміж Беларуссю і Чувашыяй складаў каля 122 млн долараў, яго “трэба падвойваць”. У бакоў, на яго думку, можа быць узаемны інтарэс у сферы прамысловасці, транспарту і машынабудавання, гуманітарнай сферы і ў аграпрамысловым комплексе.
У сярэдзіне траўня Міністэрства аховы здароўя паведаміла пра планы павялічыць у 2024 годзе колькасць аперацый па эндапратэзаванні каленнага і тазасцегнавага суставаў на 30,7% у параўнанні з 2023-м. Плануецца выканаць больш за 17 тыс. аперацый па замене суставаў, з іх 6,6 тыс. — каленнага.
Паводле інфармацыі ведамства, чаканне аперацыі па замене тазасцегнавага сустава складае больш за год (на пачатак лютага 2024 года ў чарзе было 11,7 тыс. чалавек, на пачатак чэрвеня 2023-га — 14 тыс., студзеня 2020-га — 7,1 тыс.), каленнага сустава — больш за два гады (14 тыс., 15 тыс., 9,1 тыс.).
На нарадзе 23 траўня 2023 года Аляксандр Лукашэнка запатрабаваў ад ранейшага міністра аховы здароўя Дзмітрыя Піневіча да канца года ліквідаваць чаргу на эндапратэзаванне суставаў. Вырашыць праблему чакання ў лютым 2024-га паабяцаў цяперашні міністр Аляксандр Хаджаеў.
У 2022 годзе ўлады ініцыявалі “справу артапедаў”: медыкі нібыта атрымлівалі незаконныя ўзнагароды ад прыватных кампаній, якія пастаўлялі некаторыя віды медыцынскіх вырабаў, у тым ліку суставы для імплантацыі. 35 артапедаў было затрымана.
Піневіч папрасіў у Лукашэнкі дазволу ўзяць на парукі абвінавачаных у хабарніцтве ўрачоў. Той пагадзіўся, выставіўшы ўмовы: яны павінны прызнаць віну, аддаць незаконна атрыманыя сродкі, пайсці на працу, якую прапануе міністр.
У верасні 2022 года Мінздароўя прыпыніў працу медцэнтра “Мерсі”, пабудаванага пры падтрымцы Сусветнага банка. Беларускі расследавальніцкі цэнтр (БРЦ) адзначаў, што некаторы час “Мерсі” быў адзінай медустановай у краіне, дзе было магчыма паставіць імпартны пратэз пры пратэзаванні тазасцегнавага сустава. Такую прэферэнцыю БРЦ звязваў са складам заснавальнікаў і іх знаёмствам з набліжанымі да Лукашэнкі бізнесменамі і яго старэйшым сынам Віктарам.
- Палітыка
Акрамя Арменіі незадаволенасць выказваннямі Лукашэнкі выказаў Казахстан
- Грамадства, ПалітыкаМінулым днём Літва спыніла найбольшую за апошні месяц колькасць спробаў незаконнага пранікнення з БеларусіМатэрыял даступны толькі падпісчыкам ПОЗІРК+
- Палітыка
Кіраўнік армянскай партыі: Беларусь уяўляе пагрозу нацыянальнай бяспецы
- ГрамадстваМастак Кузьміч: Вярнуся ў Францыю і буду пісаць кнігуМатэрыял даступны толькі падпісчыкам ПОЗІРК+
- Ва ўсіх школьных класах штомесяц будзе праходзіць інфармацыйная гадзіна "Генацыд беларускага народа"Матэрыял даступны толькі падпісчыкам ПОЗІРК+
- Палітыка
Часовы павераны ў справах Арменіі выкліканы ў беларускі МЗС у сувязі з акцыяй пратэсту ля амбасады
- Грамадства
Мастак Аляксей Кузьміч выйшаў з СІЗА ў Францыі
- Палітыка
Праваабаронцы прызналі палітвязнямі яшчэ 10 чалавек
- Палітыка
Ціханоўская выступіла з "катэгарычным асуджэннем" абразлівых выказванняў Лукашэнкі пра Арменію
- Палітыка
Беларускую амбасаду ў Арменіі закідалі яйкамі, памідорамі і бульбай
- Грамадства
Два ДТЗ з удзелам пасажырскіх аўтобусаў адбылося ў Беларусі 21 жніўня, ёсць загінуўшыя (абноўлена)
- Долар, еўра і юань падаражэлі на таргах БВФБ 21 жніўняМатэрыял даступны толькі падпісчыкам ПОЗІРК+
- Палітыка
"Экстрэмісцкімі фарміраваннямі" прызнана чатыры супольнасці ў інтэрнэце
- Грамадства, Палітыка
Мінімум 16 палітвязняў выйшлі на волю — "Вясна"
- Палітыка
На фоне памілавання журналісткі Луцкінай "Рэпарцёры без межаў" патрабуюць вызвалення і іншых прадстаўнікоў СМІ
- Эканоміка
У 2025 годзе чакаецца рост заробкаў на фоне дэфіцыту бюджэту і рэфінансавання дзяржаўнай запазычанасці — Мінфін
- Палітыка
Суд па справе Imaguru пачнецца 2 верасня
Дэмсілы Арменіі запатрабавалі ад уладаў разрыву дыпадносін з Беларуссю "да зрынаня дыктатара Лукашэнкі з пасады"(дапоўнена)
- Грамадства
Два ДТЗ з удзелам пасажырскіх аўтобусаў адбылося ў Беларусі 21 жніўня, ёсць загінулыя
- Грамадства
Мінадукацыі ў праграме распрацаванага з БПЦ факультатыва нагадала аб свецкім характары адукацыі
- Палітыка
Дэмсілы Арменіі запатрабавалі ад уладаў разрыву дыпадносін з Беларуссю "да зрынання дыктатара Лукашэнкі з пасады"
- Грамадства
З-за непагадзі парушалася энергазабеспячэнне больш за 130 населеных пунктаў
- ЭканомікаБелстат: Інвестыцыі ў асноўны капітал за сем месяцаў 2024 года выраслі на 22,2%Матэрыял даступны толькі падпісчыкам ПОЗІРК+
- Грамадства, Палітыка
Вызвалены прафсаюзны лідар Васіль Бераснеў
- Грамадства, ПалітыкаХроніка палітычных рэпрэсій за 20 жніўня 2024 годаМатэрыял даступны толькі падпісчыкам ПОЗІРК+
- Палітыка
У АПК абмеркавалі рызыку ўступлення беларускага войска ў вайну супраць Украіны
- Грамадства, Палітыка
Выйшлі на волю палітзняволеныя Ала Зуева і Вольга Стаброўская
- Палітыка
У Савеце Рэспублікі занепакоіліся "магчымымі правакацыямі УСУ" на Курскай і Запарожскай АЭС
- Палітыка
Назіральнікі з Венесуэлы гатовыя працаваць у Беларусі на прэзідэнцкіх выбарах 2025 года — ЦВК
- Эканоміка
Эканоміка дэманструе “прыкметы выхаду на плато”, рост па выніках года можа скласці 4–5% — BEROC