Палітвязнямі прызнаныя яшчэ 10 чалавек

7 жніўня, Позірк. Беларуская праваабарончая супольнасць 7 жніўня прызнала палітычнымі зняволенымі яшчэ 10 чалавек, вынікае з сумеснай заявы на сайце цэнтра “Вясна”.

Цяпер адпаведны статус маюць 1.397 чалавек.

Статус атрымалі прыгавораныя да пазбаўлення волі або ўзятыя пад варту па абвінавачанні ў “арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх” (арт. 342 КК) Іван Амрэйчык, Васіль Ніпарка, Аляксей Самайлюк, Анатоль Закурка, Ігар Сарокін, Сяргей Дземідзюк (усе па “карагоднай справе” ў Брэсце), Аляксандр Пархоменка, Ігар Тарасаў, Андрэй Вялікаселец (таксама пераследуецца паводле арт. 361² КК (фінансаванне экстрэмісцкай дзейнасці).

Акрамя таго, палітвязням прызнаны Станіслаў Чмыхаў, які адбывае тэрмін паводле арт. 342 КК ў папраўчай установе адкрытага тыпу

Праваабаронцы патрабуюць неадкладна вызваліць усіх палітычных вязняў і спыніць палітычныя рэпрэсіі супраць грамадзян краіны.

Акрамя “Вясны” заяву падпісалі Офіс па правах людзей з інваліднасцю, Беларусі ПЭН, “Прававая ініцыятыва”, Lawtrend і Human Constanta.