Экс-намесніка міністра энергетыкі Міхадзюка абвінавачваюць у атрыманні хабараў на 35 тыс. еўра
20 жніўня, Позірк. У судзе Ленінскага раёна Мінска пачаўся разгляд крымінальнай справы ў дачыненні да былога намесніка міністра энергетыкі Міхаіла Міхадзюка.
У першы дзень пасяджэння экс-чыноўнік цалкам прызнаў віну, паведамляе агенцтва Sputnik.
Бок абароны хадайнічаў аб змене меры стрымання абвінавачанага і вызваленні яго пад заклад у сувязі з шэрагам хранічных захворванняў. Дзяржабвінаваўца заявіў, што для гэтага “няма падстаў”, бо ў СІЗА, дзе ўтрымліваецца Міхадзюк, “ёсць медыцынская частка”, а выстаўленае яму абвінавачванне прадугледжвае да 15 гадоў пазбаўлення волі.
Суд хадайніцтва адхіліў.
Паводле даных следства, якія былі абвешчаныя ў судзе, былы намеснік кіраўніка Мінэнерга лабіраваў інтарэсы прыватнай кампаніі пры закупцы еўрапейскага абсталявання для прадпрыемстваў ведамства. За гэта, як сцвярджаецца, ён атрымліваў хабар і “іншыя падарункі”.
Агулам з 2018-га да 29 снежня 2023 года Міхадзюку было перададзена 35 тысяч еўра “за спрыяльнае развязанне пытанняў, якія ўваходзяць у яго кампетэнцыю”.
Акрамя таго, вынікае з абвінавачвання, чыноўнік “ездзіў на навагоднія вакацыі ў Сербію за кошт камерсантаў у 2019 годзе”. Тлумачачы абставіны, абвінавачаны заявіў, што “некалькі разоў адмаўляўся ад прапаноў камерсантаў паехаць на адпачынак”.
Ён паведаміў, што на стадыі дасудовага следства кампенсаваў сумы, якія на яго патрацілі “камерсанты ў рэстаране сербскай кухні ў Бялградзе, а таксама падчас навагодніх вакацый у Сербіі ў 2019 годзе”.
Былы намеснік міністра таксама паведаміў у судзе, што прыняў ад прадстаўніка камерцыйнай фірмы 15 тыс. еўра. Адказваючы на пытанні пракурора, ён удакладніў, што пры атрыманні грошы “не пералічваў”, суму вызначыў “па выглядзе” і паклаў у кішэню “рэзервовага касцюма”. Гэтыя сродкі Міхадзюк выдаткаваў на “рамонт бацькоўскага дома”, а таксама на лячэнне — сваё і сваякоў.
“Таксама ў судзе была абвешчаная інфармацыя аб тым, што з другой часткі незаконна атрыманай сумы ў 20 тыс. еўра ім было выдаткавана 2 тыс., 18 тыс. выдаў пасля затрымання. Міхадзюк паведаміў у судзе, што пісаў дзве яўкі з павіннай, кампенсаваў прычыненую шкоду, незаконна атрыманыя сумы хабараў, а таксама пералічыў пэўную суму на дзіцячы анкацэнтр”, — гаворыцца ў публікацыі агенцтва.
У судзе абвешчаны перапынак.
Міхадзюк абвінавачваецца паводле ч. 3 арт. 430 Крымінальнага кодэкса — атрыманне хабару “альбо ў асабліва буйным памеры, альбо арганізаванай групай, альбо асобай, якая займае адказнае становішча”. Былому чыноўніку пагражае ад 5 да 15 гадоў пазбаўлення волі са штрафам і пазбаўленнем права займаць пэўныя пасады або займацца пэўнай дзейнасцю.
28 снежня 2023 года ўрад вызваліў 68-гадовага Міхадзюка, які курыраваў будаўніцтва Беларускай АЭС, ад пасады намесніка міністра энергетыкі “ў сувязі з выхадам у адстаўку”.
Паводле інфармацыі дзяржаўных СМІ, 26 студзеня Следчы камітэт распачаў супраць экс-чыноўніка крымінальную справу “за спрыяльнае развязанне пытанняў выбару замежнай кампаніі ў якасці падрадчыка для будаўніцтва і мадэрнізацыі высакавольтных падстанцый у Беларусі”.
14 чэрвеня гэтага года на нарадзе Аляксандра Лукашэнкі з кіраўніцтвам Савета міністраў стала вядома, што Міхадзюк знаходзіцца ў следчым ізалятары. Тады ж стала вядома пра ўзбуджэнне ў студзені крымінальнай справы.
Паводле слоў Лукашэнкі, у рамках крымінальных спраў за хабар прыцягнута 30 чалавек. Ён згадаў справу свайго былога памочніка — інспектара па Віцебскай вобласці, экс-міністра сельскай гаспадаркі і харчавання Ігара Брыло; першага намесніка кіраўніка справамі прэзідэнта Дзмітрыя Рыбко (ахарактарызаваў такім чынам: “хабарнік — кляйма ставіць няма дзе”).
8 ліпеня намеснік начальніка ўпраўлення па барацьбе з карупцыяй і арганізаванай злачыннасцю Генеральнай пракуратуры Дзмітрый Брылёў паведаміў, што супрацоўнікі МУС у выніку праверкі ў Мінскай вобласці выявілі схемы перадачы хабараў “дзясяткам службовых асоб”.
- ПалітыкаХроніка палітычных рэпрэсій за 19 верасня 2024 годаМатэрыял даступны толькі падпісчыкам ПОЗІРК+
Асуджаны за "спробу захопу ўлады" Юрый Зянковіч звярнуўся да Лукашэнкі з просьбай аб памілаванні
- Палітыка
У Пінску за “ўдзел у пратэстах” будуць судзіць журналіста Яўгена Мікалаевіча
- ПалітыкаКачанава запрасіла ў Беларусь кіраўніцтва УгандыМатэрыял даступны толькі падпісчыкам ПОЗІРК+
- Палітыка
На волю выйшла палітзняволеная Вольга Залатар
- Палітыка
У Савеце Еўропы заклікалі Грузію перагледзець забарону на ўезд беларускаму журналісту Андрэю Мялешку
Сілавікі правялі масавыя затрыманні ў Глыбокім і Століне
- Грамадства, ПалітыкаКраіны ЕС фіксуюць амаль на 40% больш спробаў нелегальнай міграцыі з беларускай тэрыторыі, чым у жніўніМатэрыял даступны толькі падпісчыкам ПОЗІРК+
- Палітыка
Ціханоўская: Дапамога рэпрэсаваным не замяняе працу па вызваленні палітвязняў
- ПалітыкаЦіханоўская: Дапамога рэпрэсаваным не замяняе працу па вызваленні палітвязняў (падрабязна)Матэрыял даступны толькі падпісчыкам ПОЗІРК+
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+