Пракуроры Брэсцкай вобласці за дзевяць месяцаў накіравалі ў суды амаль 270 заяў аб “экстрэмісцкіх матэрыялах”

21 кастрычніка, Позірк. Органы пракуратуры Брэсцкай вобласці за студзень — верасень 2024 года накіравалі ў суды 266 заяў аб прызнанні інфармацыйнай прадукцыі “экстрэмісцкімі матэрыяламі”, паведамляецца на сайце Генеральнай пракуратуры.

Адзначаецца, што гэта зроблена ў рамках “процідзеяння распаўсюду на інтэрнэт-рэсурсах інфармацыі, скіраванай на падвышэнне сацыяльнай напружанасці ў грамадстве і стварэнне недаверу да прадстаўнікоў органаў дзяржаўнай улады”.

Па выніках гэтай працы “экстрэмісцкімі матэрыяламі” сярод іншага прызналі кантэнт тэлеграм-каналаў і чатаў (99), старонак у “Фэйсбуку” (38), “Інстаграме” (33), “ЦікТоку” (21), “Аднакласніках” (15), “УКантакце” (14), Х (2), груп у “Вайберы” (3), ютуб-каналаў (8), сайтаў (13), а таксама кнігі (6).