Дзеянне поліса АСАГА на тэрыторыі Беларусі можа быць перанесена на 2025 год
22 кастрычніка, Позірк. Уступленне ў сілу пастановы аб распаўсюдзе дзеяння поліса АСАГА (абавязковае страхаванне аўтаграмадзянскай адказнасці) на тэрыторыю Беларусі можа быць перанесена на 1 студзеня 2025 года, заявіў кіраўнік камісіі па рэгламенце Дзяржаўнай думы РФ Віктар Пінскі.
“Рэалізацыя мадэльнага заканадаўчага акта прадугледжвае ўнясенне змяненняў у заканадаўства Беларусі і Расіі, — цытуе ТАСС парламентарыя. — Мы ведаем, што ў Дзяржаўную думу ўжо ў жніўні быў унесены праект змяненняў у закон аб страхаванні, а ў Беларусі быў падрыхтаваны ўказ прэзідэнта. Па просьбе нашых калегаў з Беларусі з прычыны пэўных абставінаў была просьба аб тым, каб зрабіць уступленне гэтага ўказа з 1 студзеня 2025 года”.
Дэпутат падкрэсліў, што ў гэтай сувязі ніжняя палата расійскага парламента будзе зыходзіць з гэтых тэрмінаў.
12 жніўня кіраўнік урада РФ Міхаіл Мішусцін на сустрэчы са сваімі намеснікамі заявіў аб пачатку дзеяння поліса АСАГА на тэрыторыі Беларусі з 1 кастрычніка. Ён назваў гэтую падзею працягам працы па “ўмацаванню расійска-беларускай інтэграцыі ў рамках Саюзнай дзяржавы”, адзначала прэс-служба расійскага ўрада.
Законапраект быў падтрыманы 29 ліпеня ўрадавай камісіяй па законапраектнай дзейнасці. Дакумент пацвярджае ўзаемнае прызнанне “дагавораў страхавання ў рамках сістэмы абавязковага страхавання грамадзянскай адказнасці ўладальнікаў транспартных сродкаў Саюзнай дзяржавы”.
Даведка “Позірку”: поліс АСАГА абараняе аўтаўладальніка ад непрадбачаных выдаткаў у выпадку ДТЗ: калі ён стаў вінаватым у ДТЗ, страхавая кампанія пакрые шкоду маёмасці і здароўю пацярпелых. У той жа час за рамонт свайго пашкоджанага аўтамабіля вінаватаму прыйдзецца плаціць самому. Можна дадаткова набыць поліс КАСКО, які пакрые гэтыя выдаткі. Калі разбілі машыну ўладальніка АСАГА, яе рамонт аплаціць страхавая кампанія вінаватага ў аварыі. Калі ў аварыі вінаватыя абодва кіроўцы, страхавыя кампаніі заплацяць абодвум — звычайна кампенсуюць палову нанесенай шкоды.
У Беларусі дзейнічае сістэма АСГА УТС (абавязковае страхаванне грамадзянскай адказнасці ўладальнікаў транспартных сродкаў). Прынцып яе працы аналагічны расійскаму. Аднак па страхавых выпадках ліміты выплат адрозніваюцца: у Беларусі да 10 тыс. еўра — па аўтамабілях і да 10 тыс. еўра — па жыцці і здароўі вадзіцеля і пасажыраў (у РФ — 4,1 тыс. і 5,2 тыс. еўра па цяперашнім курсе адпаведна). Калі прычыненая шкода больш за названыя сумы, перавышэнне прыйдзецца кампенсаваць вінаватаму ў ДТЗ.
АСГА з’яўляецца абавязковым дакументам для ўдзелу транспартных сродкаў у дарожным руху. Язда без поліса прадугледжвае штраф 5 базавых велічынь (200 рублёў), калі незастрахаваны аўтамабіль стаў вінаватым у ДТЗ — да 10 (400 рублёў).
- ПалітыкаКР абмеркавала праект дэкларацыі аб падтрымцы былых беларускіх добраахвотнікаўМатэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 22 кастрычніка 2024 годаМатэрыял даступны толькі падпісчыкам ПОЗІРК+
- Палітыка
- Грамадства
- Палітыка
- Палітыка
- Грамадства
- Эканоміка
- Грамадства
- Грамадства
- Палітыка
- Грамадства, Палітыка
- Грамадства
- Эканоміка
- Грамадства, Палітыка
- Эканоміка
- Палітыка
- ЭканомікаПалітыка ўладаў павышае рызыкі для эканомікі — BEROCМатэрыял даступны толькі падпісчыкам ПОЗІРК+
- Грамадства, ПалітыкаПенітэнцыярную сістэму Беларусі неабходна цалкам рэарганізоўваць — праваабаронцыМатэрыял даступны толькі падпісчыкам ПОЗІРК+
- Палітыка, Эканоміка
- Грамадства
- Грамадства
- Грамадства, ПалітыкаНайбольш вядомыя жанчыны-палітзняволеныя знаходзяцца ў "прэс-атрадах" — камітэт па расследаванні катаванняўМатэрыял даступны толькі падпісчыкам ПОЗІРК+
- Эканоміка
- ЭканомікаПрагназаваны дэфіцыт бюджэту на 2025 год не з'яўляецца праблемным — ХарытончыкМатэрыял даступны толькі падпісчыкам ПОЗІРК+
- Эканоміка
- ЭканомікаНацбанк трэці месяц запар не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- Грамадства, Навіны Германіі