У дачыненні да пяці добраахвотнікаў пачата спецыяльная вытворчасць

10 снежня, Позірк. Следчы камітэт 10 снежня пачаў спецыяльную вытворчасць у дачыненні да пяці беларускіх добраахвотнікаў, якія ваююць ва Украіне, паведамляе прэс-служба ведамства.

Справы заведзены на байцоў палка імя Кастуся Каліноўскага Арцёма Бігеля, Вячаслава Граноўскага, Яна Мельнікава, Ігната Кірэева, а таксама былога парамедыка ПКК Анастасію Махамет.

Яны абвінавачваюцца паводле ч. 3 ст. 130, ч. 1 і ч. 2 ст. 285, ч. 2 ст. 290⁵, ч. 1 ст. 357, ч. 3 ст. 361, ч. 1 ст. 361¹ (у рэдакцыі КК ад 26.05.2021 №112–З), ч. 3 ст. 361¹, ч. 1 ст. 361³, ч. 2 ст. 361³ (у рэдакцыі ад 20.04.2016 №358–З), ч. 1 ст. 361⁴ (у рэдакцыі ад 26.05.2021 №112–З), ч. 2 ст. 361⁴ (у рэдакцыі закона ад 26.05.2021 №112–З), ч. 2 ст. 361⁴ Крымінальнага кодэкса.

Усім, акрамя Мельнікава, інкрымінуецца таксама арт. 361⁵ (у рэдакцыі ад 26.05.2021 №112–З).

Кірэева, Махамет, Мельнікава таксама абвінавачваюць паводле арт. 369¹, арт. 13 і ч. 3 арт. 289, ч. 4 арт. 309, ч. 2 арт. 367 КК. Паводле ч. 1 арт. 368 КК абвінавачваюць Бігеля, Махамет і Мельнікава, паводле ч. 1 арт. 377 КК — Граноўскага.

СК заяўляе, што, дзейнічаючы “паводле агульнай задумы”, “дадзеная група грамадзян, акрамя ўдзелу ў баявых дзеяннях на тэрыторыі суседняга дзяржавы, аб’яднаная ідэяй далейшага ўварвання ў Рэспубліку Беларусь для ініцыявання ўзброеных сутыкненняў з праваахоўнымі органамі і ўзброенымі сіламі” Беларусі.

“У мэтах маштабавання сваёй дзейнасці і вярбоўкі наймітаў, прадстаўнікі тэрарыстычнай арганізацыі стваралі сетку тэлеграм-каналаў і чатаў, праз якія падбіралі саўдзельнікаў для здзяйснення злачынстваў, у тым ліку арганізацыі правакацый і тэрарыстычных актаў на тэрыторыі Беларусі. У якасці наймітаў у асноўным адбіраліся асобы з “калямаргінальных” колаў, футбольных ультрас, радыкальных нацыяналістычных груповак, якія падтрымліваюць неафашысцкія погляды, прыхільнікі гвалту і адмаўлення правапарадку”, — гаворыцца ў паведамленні.

Раней рэжым Аляксандра Лукашэнкі прызнаў ПКК “тэрарыстычнай арганізацыяй”.

Спецыяльная вытворчасць — вытворчасць па крымінальнай справе ў дачыненні да абвінавачанага, які знаходзіцца за межамі Беларусі і ўхіляецца ад яўкі ў орган, што вядзе крымінальны працэс. Магчымая па 34 складам злачынстваў, якія пераважна адносяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, наёмніцтва, здрада дзяржаве, дыверсія, стварэнне экстрэмісцкага фармвання альбо ўдзел у ім, масавыя беспарадкі, заклікі да санкцый і іншае.

Даведка “Позірку”:

Арт. 13 Крымінальнага кодэкса — падрыхтоўка да злачынства;

арт. 130 — распальванне расавай, нацыянальнай, рэлігійнай ці іншай сацыяльнай варожасці або варажнечы;

ст. 289 — акт тэрарызму;

ст. 290² — садзейнічанне тэрарыстычнай дзейнасці;

ст. 290⁴ — стварэнне арганізацыі для ажыццяўлення тэрарыстычнай дзейнасці або ўдзел у ёй;

ст. 309 — наўмыснае прывядзенне ў непрыдатнасць транспартнага сродку ці шляхоў зносін;

ст. 357 — змова або іншыя дзеянні з мэтай захопу дзяржаўнай улады;

ст. 361 — заклікі да захадаў абмежавальнага характару (санкцыям), іншым дзеянням, накіраваным на прычыненне шкоды нацыянальнай бяспецы Рэспублікі Беларусь;

ст. 361¹ — стварэнне экстрэмісцкага фарміравання або ўдзел у ім;

ст. 361² — фінансаванне экстрэмісцкай дзейнасці;

ст. 361³ — удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка ці падрыхтоўка асоб да такога ўдзелу;

ст. 361⁴ — садзейнічанне экстрэмісцкай дзейнасці;

ст. 361⁵ — праходжанне навучання або іншай падрыхтоўкі для ўдзелу ў экстрэмісцкай дзейнасці;

ст. 368 — абраза прэзідэнта;

ст. 369¹ — дыскрэдытацыя Рэспублікі Беларусь;

ст. 377 — крадзеж, знішчэнне, пашкоджанне або хаванне дакументаў, штампаў, пячатак, крадзеж бланкаў.