На таргах 11 снежня долар і юань падаражэлі на пяць капеек, еўра — на дзве
11 снежня, Позірк. Амерыканская, кітайская, а таксама агульная еўрапейская валюты падаражэлі на таргах Беларускай валютна-фондавай біржы 11 снежня 2024 года.
Курс долара вырас да 3,4556 рубля (+0,0507; +1,49%), юаня — да 4,7398 за 10 (+0,0488; +1,04%), еўра — да 3,6 (+0,0205; +0,57%).
Каціроўка расійскага рубля знізілася да 3,3805 за 100 (-0,0223; -0,66%).
На мінулым працоўным тыдні (2–6 снежня) долар патаннеў на 4,58% (з 3,5701 да 3,4065), еўра — на 7,25% (з 3,795 да 3,52), юань — на 5,08 % (з 4,9308 да 4,6805 за 10); расейскі рубель падаражэў на 2,98% (з 3,2981 да 3,3964 за 100).
Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у траўні — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае).
У чэрвені долар патаннеў на 1,36% (да 3,1624) — трэцяе месца, па выніках першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае), у жніўні — вырас на 1,55% (да 3,1834) — другое месца, за восем месяцаў — на 0,19% (пятае), у верасні — на 0,88% (да 3,2113 рубля) — трэцяе месца, за дзевяць месяцаў — на 1,06% (шостае), у кастрычніку — на 3,34% (да 3,3185 рубля) — трэцяе месца, за дзесяць месяцаў — на 4,44% (чацвёртае), у лістападзе — на 8,34% (да 3,5951 рубля) — другое месца, за 11 месяцаў — на 8,34% (другое).
За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам“ параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).