З пачатку года сума наяўных грошай у абароце вырасла на 20,5% — Нацбанк

13 снежня, Позірк. Сума наяўных грошай у абароце (агрэгат М0) на 1 снежня 2024 года склала 11 млрд 418,7 млн рублёў, зменшыўшыся за месяц на 0,3% (-33,4 млн рублёў), паведамляе Нацыянальны банк.

З пачатку года сума наяўных грошай у абароце вырасла на 1 млрд 944,1 млн (+20,5%). На 1 студзеня яна складала 9 млрд 474,6 млн рублёў.

Пераводныя дэпазіты з пачатку года сталі меншымі на 1,3% — з 15 млрд 29,4 млн да 15 млрд 223,3 млн рублёў.

Наяўных грошай у абароце і пераводных дэпазітаў у нацыянальнай валюце (М1) за дзесяць месяцаў стала больш на 8,7% — з 24 млрд 504 млн да 26 млрд 642 млн.

Грашовая маса ў нацыянальным вызначэнні (М2) павялічылася з 40 млрд 238,2 млн да 48 млрд 180,6 млн (+19,7%), рублёвая грашовая маса (М2*) — з 41 млрд 998,5 млн да 50 млрд 145,7 млн (+19,4%), шырокая грашовая маса (М3) — з 75 млрд 668,5 млн да 84 млрд 912,3 млн (+12,2%).

Падрабязнасці даступныя падпісчыкам “Позірк+”