У Гродзенскім гарнізоне праводзяць вайсковыя зборы з акцэнтам на “процідзеянне беспілотнікам”

14 студзеня, Позірк. У Гродзенскім гарнізоне праходзяць тактычныя зборы з камандзірамі батальёнаў (дывізіёнаў) і іх намеснікамі “з акцэнтам на навучанне супрацьдзеянню беспілотным лятучым апаратам”, паведаміла 13 студзеня прэс-служба Міністэрства абароны.
Да трохдзённых збораў прыцягнулі афіцэраў злучэнняў і вайсковых часцей Заходняга аператыўнага камандавання і 72-га аб’яднанага навучальнага цэнтра падрыхтоўкі прапаршчыкаў і малодшых спецыялістаў (вайсковы гарадок Печы ў Барысаве, Мінская вобласць).
Мэтай збораў заяўлена “ўдасканаленне прафесійна-службовай падрыхтоўкі афіцэраў, вызначэнне прыярытэтных кірункаў дзейнасці каманднага складу батальёнаў і дывізіёнаў па падвышэнні эфектыўнасці баявой падрыхтоўкі ў сучасных умовах”.
Першы дзень прысвечаны тэарэтычным заняткам, наступныя два пройдуць на Гожскім палігоне (Гродзенскі раён, каля 10 км ад мяжы з Літвой, каля 20 км ад мяжы з Польшчай) у выглядзе “інструктарска-метадычных і паказных заняткаў па тактычнай, агнявой, інжынернай і іншых прадметах баявой падрыхтоўкі”.
“Удзельнікі прааналізуюць сучасныя ваенныя канфлікты, у тым ліку СВА (“спецыяльнай ваеннай аперацыяй” расійскія і беларускія ўлады называюць поўнамаштабную вайну, якую Расія вядзе супраць Украіны. — “Позірк”.), будуць паказаныя новыя спосабы і прыёмы баявых дзеянняў, прымянення ўзбраення, навучання асабовага складу правядзенню засадных і контрзасадных дзеянняў і шмат іншага”, — гаворыцца ў паведамленні.
З 8 студзеня праходзяць навучальныя зборы з ваеннаабавязанымі тэрытарыяльных войскаў у Гомельскай вобласці.
Рэжым Аляксандра Лукашэнкі няспынна праводзіць вучэнні, трэніроўкі, зборы на фоне абвастрэння стасункаў з Захадам і вайны РФ супраць Украіны, у якой афіцыйны Мінск падтрымлівае Крэмль.

- Грамадства
- ГрамадстваУ траўня тэхагляд прайшло на 20,2% больш транспарту, чым годам раней (падрабязна)Матэрыял даступны толькі падпісчыкам ПОЗІРК+
- Грамадства
- Грамадства
- Эканоміка
- ЭканомікаПрадстаўнік Інстытута эканомікі НАН прапануе "некалькі збалансаваць" высокую долю ЖКП у бюджэтных выдатках (падрабязна)Матэрыял даступны толькі падпісчыкам ПОЗІРК+
- Грамадства
- Эканоміка
- Грамадства, Палітыка
- Грамадства, Палітыка
- Грамадства
- Палітыка
- Эканоміка
- Эканоміка
- ЭканомікаЗа пяць месяцаў 2025 года фізічныя асобы прадалі наяўнай валюты амаль на 940 млн долараў больш, чым набылі (падрабязна)Матэрыял даступны толькі падпісчыкам ПОЗІРК+
- Грамадства
- Грамадства
- Грамадства, Палітыка
- Грамадства, Палітыка
- Грамадства