МЗС заяўляе пра “найгрубейшае ўмяшанне ў суверэнныя справы Беларусі”

22 студзеня, Позірк. Міністэрства замежных спраў заяўляе пра “найгрубейшае ўмяшанне ў суверэнныя справы Беларусі”.

“У распараджэнні МЗС апынулася заява Еўрапейскай службы знешніх дзеянняў, якую яна плануе зрабіць пасля выбараў”, — цытуюць дзяржаўныя СМІ прэс-сакратара знешнепалітычнага ведамства Анатоля Глаза (прызначаны амбасадарам у Турцыі, завяршае работу ў МЗС).

“Выбары толькі пачаліся, а там ужо ўсё асуджана і не прызнана”, — адзначыў Глаз.