Офіс Ціханоўскай падзякаваў Кізіму за працу і “ўмацаванне беларуска-украінскіх адносін”

7 лютага, Позірк. Офіс Святланы Ціханоўскай выказвае падзяку былому амбасадару па асаблівых даручэннях МЗС Украіны па Беларусі Ігару Кізіму, паведаміў “Позірку” галоўны дарадца дэмакратычнага лідара Франак Вячорка.

У каментары Вячорка адзначыў, што офіс “вельмі ўдзячны амбасадару за яго працу, адданасць справе, умацаванне беларуска-украінскіх адносін”.

Паводле яго слоў, каманда Ціханоўскай ведала аб намеры Кізіма сысці сёлета. “Нам будзе вельмі не хапаць яго энергіі”, — дадаў дарадца. 

“За апошні год нам удалося арганізаваць разам шэраг беларуска-украінскіх івэнтаў, вырашыць шэраг пытанняў з легалізацыяй, наладзіць адносіны з украінскім МЗС. Кізім заўжды казаў пра важнасць умацавання украінска-беларускіх сувязяў дзеля супольнай барацьбы за свабоду”, — падкрэсліў Вячорка.

У офісе Ціханоўскай спадзяюцца, адзначыў ён, што неўзабаве “будзе прызначаны новы амбасадар, які працягне працу Кізіма”.

Падрабязнасці даступныя падпісчыкам “Позірк+”