У Шклове загінуў кіроўца аўтакрана — яго выкінула з кабіны, што адарвалася ад рамы
11 ліпеня, Позірк. У Шклове (Магілёўская вобласць) 10 ліпеня загінуў 61-гадовы мясцовы жыхар — кіроўца аўтакрана.
Прэс-служба Следчага камітэта 11 ліпеня паведаміла, што напярэдадні раніцай мужчына “выконваў пагрузачныя работы з выкарыстаннем аўтакрана MAZ на тэрыторыі адной з вытворчасцей”.
“У ходзе пагрузкі напорнай скрыні ў кузаў грузавога аўтамабіля адбыўся адрыў кабіны кіравання аўтакранам ад рамы транспартнага сродку. Кіроўцу выкінула з кабіны на асфальт. Атрыманыя ім траўмы выявіліся несумяшчальнымі з жыццём”, — гаворыцца ў паведамленні.
Праверку па факце смерці чалавека праводзіць Шклоўскі раённы аддзел СК. Адзначаецца, што “асаблівую ўвагу следчыя нададуць прычынам і ўмовам, якія садзейнічалі гібелі мужчыны”.
