Лукашэнка пацвердзіў планы правесці чарговае пасяджэнне УНС у красавіку

11 лютага, Позірк. “Следам за электаральнай кампаніяй на красавік запланаванае правядзенне чарговага пасяджэння Усебеларускага народнага сходу” (УНС), заявіў 11 лютага на пасяджэнні прэзідыума УНС яго старшыня Аляксандр Лукашэнка.
Спікер, як вынікае з інфармацыі яго прэс-службы, мае намер выступіць на сходзе з пасланнем беларускаму народу і парламенту. “Гэта і справаздача перад людзьмі, і вызначэнне задач на перспектыву, і адказы на самыя жыццёвыя актуальныя пытанні, — заявіў ён. — Краіна ўступіла ў пяцігодку якасці. Дадзены старт “году добраўпарадкавання”. Завяршаецца апошні год пяцігодкі (2021–2025 гадоў). Гэта прадвызначае складанасць і комплекснасць задач, якія стаяць перад намі”.
Адзначаецца, што дэлегаты УНС упершыню заслухаюць даклад прэм’ер-міністра пра выкананне праграм сацыяльна-эканамічнага развіцця краіны. “У сваім выступленні кіраўнік урада павінен не толькі адсправаздачыцца аб праведзенай працы, але і акрэсліць контуры стратэгіі праграмы сацыяльна-эканамічнага развіцця на будучую пяцігодку”, — заявіў Лукашэнка.
УНС таксама трэба “прыняць шэраг кадравых рашэнняў”. На ўзгадненне сходу Лукашэнка мае намер вынесці кандыдатуры “суддзяў вышэйшых судоў”. “Спіс вы маеце, — паведаміў спікер. — Прадставяць гэтых людзей старшыні Канстытуцыйнага і Вярхоўнага судоў. Калі вы іх падтрымліваеце, то пытанне пра іх абранне ўключым у парадак дня сходу”.
“Усебеларускі народны сход мусіць займаць сваю нішу ў дзяржаве і не ўмешвацца ў кампетэнцыю іншых дзяржаўных органаў. Нельга спарадзіць новыя нарады, перапіску, фармалізм. І галоўнае не павінна быць сутыкання ілбамі адных органаў улады з іншымі і ўсіх разам з УНС. Мы, як першапраходцы, ідзем па цаліне, фармуем структуру на гады наперад. І ад гэтага рашэння шмат у чым залежыць прадуктыўнасць і аўтарытэт самога сходу, іншых органаў дзяржаўнага кіравання”, — сказаў Лукашэнка.
Напрыканцы снежня 2024 года старшыня пастаяннай камісіі Савета Рэспублікі па адукацыі, навуцы, культуры і сацыяльным развіцці Сяргей Сівец выказаў меркаванне, што чарговае пасяджэнне УНС пройдзе ў красавіку — “з улікам каляндарнага цыкла”.
Усебеларускі народны сход склікаецца з ініцыятывы Лукашэнкі з 1996 года, як правіла, у перыяд палітычных кампаній.
VII пасяджэнне УНС, які атрымаў канстытуцыйны статус па выніках не прызнанага цывілізаванымі краінамі рэферэндуму 27 лютага 2022 года, было праведзена ў Мінску летась 24–25 красавіка. Старшынёй прэзідыума сходу практычна аднагалосна абраны Лукашэнка.
Паводле абноўленай рэдакцыі Канстытуцыі, УНС з’яўляецца “вышэйшым прадстаўнічым органам народаўладдзя”, які вызначае “стратэгічныя кірункі развіцця грамадства і дзяржавы”, забяспечвае “непахіснасць канстытуцыйнага ладу, пераемнасць пакаленняў і грамадзянскую згоду”. Максімальная колькасць дэлегатаў УНС — 1.200, тэрмін іх паўнамоцтваў — пяць гадоў. Пасяджэнні УНС павінны праводзіцца не радзей як адзін раз на год.
УНС зацвярджае асноўныя кірункі ўнутранай і знешняй палітыкі, ваенную дактрыну, канцэпцыю нацыянальнай бяспекі, праграмы сацыяльна-эканамічнага развіцця; заслухоўвае штогадовыя пасланні прэзідэнта да парламента; мае права заканадаўчай ініцыятывы, можа прапаноўваць змены і дапаўненні ў Канстытуцыю, разглядаць пытанне пра легітымнасць выбараў ды інш.
- Эканоміка
- Грамадства
- Палітыка, ЭканомікаМінск прапануе Бенгазі супрацоўніцтва ў перапрацоўцы нафты і збожжаМатэрыял даступны толькі падпісчыкам ПОЗІРК+
- Палітыка
- Грамадства, Палітыка
- Грамадства, ПалітыкаПольшча зафіксавала рэкордную за амаль паўгода колькасць спробаў незаконнай міграцыі з БеларусіМатэрыял даступны толькі падпісчыкам ПОЗІРК+
- Палітыка
- Грамадства, Палітыка, Эканоміка
- Грамадства
- Грамадства, Палітыка
- Палітыка
- ПалітыкаЛукашэнка працягвае ператвараць Беларусь у ізгоя — Вячорка пра інфармацыю СМІ аб магчымым абмежаванні выдачы амерыканскіх візМатэрыял даступны толькі падпісчыкам ПОЗІРК+
- Грамадства, Палітыка, Эканоміка
- Грамадства, Палітыка, ЭканомікаУ 2024 годзе за мяжой працаўладкавалася 112 тыс. беларусаў — Белстат (падрабязна)Матэрыял даступны толькі падпісчыкам ПОЗІРК+
- ГрамадстваКолькасць загінуўшых на вытворчасці ў стане ап'янення вырасла за год у 2,5 разаМатэрыял даступны толькі падпісчыкам ПОЗІРК+
- Палітыка
- Палітыка
- Эканоміка
- Грамадства, Палітыка
- Палітыка
- Палітыка
- Грамадства
- Грамадства, Палітыка
- Эканоміка
- Грамадства
- Палітыка
- Грамадства
- Грамадства, Эканоміка
- Палітыка, Эканоміка
- Грамадства, Палітыка