У Гомельскім раёне ўпаў лятальны апарат, разбураная гаспадарчая пабудова — СМІ
28 лютага, Позірк. Невядомы лятальны апарат ноччу 27 лютага ўпаў на гаспадарчую пабудову ў Гомельскім раёне і выбухнуў, здарыўся пажар. Пра гэта паведамляе рэгіянальны сайт “Флагшток“ са спасылкай на“ўладальніка дачнага ўчастка”.
Меркаваны БПЛА ўпаў у раёне вёскі Зябраўка ў некалькіх кіламетрах на поўнач ад аднайменнага ваеннага пасёлка.
“Жыхары паўднёвых ускраін Гомеля фіксавалі гук аддаленай стральбы, каля 0:40 быў зафіксаваны гук выбуху. У зводках МНС пра пажар у Зябраўцы не згадваецца“, — піша сайт.
Пра ўварванне расійскіх дронаў у беларускую паветраную прастору 27 лютага ўкраінскі бок не паведамляў. Апошняе згадванне пра гэта было 23 лютага. Прадстаўнік ўкраінскага маніторынгавага канала “Український Єнот“ патлумачыў “Флагштоку”, што дроны, якія ляцяць на малой вышыні, могуць быць не заўважаныя сістэмамі СПА.
“Флагшток” працуе ў выгнанні, спецыялізуецца на асвятленні падзей у Гомельскай вобласці, мае ў рэгіёне ўласныя крыніцы.
Гл. таксама: