Праблему ДТЗ з удзелам жывёл можна вырашыць толькі комплексна — прадстаўнік Мінлясгаса

19 сакавіка, Позірк. Праблема дарожна-транспартных здарэнняў з удзелам жывёл можа быць вырашана толькі комплексна, заявіў 19 сакавіка на прэс-канферэнцыі ў Мінску начальнік аддзела паляўнічай гаспадаркі Мінлясгаса Аляксандр Казарэз.

Адказваючы на пытанне, што робіцца, каб ласі і казулі не выходзілі на дарогі і не станавіліся ўдзельнікамі ДТЗ, чыноўнік сказаў: “Рост колькасці такіх буйных жывёл — гэта заўсёды праблема для дзяржаў з развітой эканомікай, таму што яны дзесьці пачынаюць выступаць перашкодай, у тым ліку для транспартнай гаспадаркі”.

“Праблема росту колькасці вырашаецца, — дадаў прадстаўнік Мінлясгаса. — Аднак вырашыць яе ў рамках аднаго ведамства не ўяўляецца магчымым, таму што дарогі будуюць у асяроддзі пражывання жывёл, а не жывёлы прыходзяць да нас. Яны там хадзілі тысячы гадоў. Сёння ёсць комплекс мер, які прадугледжвае дзеянні розных дзяржаўных органаў, арганізацый. Ён рэалізуецца і робіцца ўпор на тым, каб стабілізаваць колькасць ДТЗ і пачаць працэс па іх зніжэнні”.

Падрабязнасці даступныя падпісчыкам “Позірк+”