20 сакавіка, Позірк. Журналістка Ксенія Чындарава эвакуіравана з Беларусі, паведаміў у сацсетках кіраўнік фонду салідарнасці BySol Андрэй Стрыжак.
Яна супрацоўнічала супрацоўнічала з гомельскім СМІ “Штодзень”.
Паведамляецца, што праблемы ў журналісткі пачаліся восенню 2024 года: яе выклікалі “ў аддзел кібербяспекі ў міліцыі за рассылку нібыта фішынгавых спасылак”. Журналістка адзначыла, што “ў яе тэлефоне нічога не знайшлі, а пазней яна зразумела, што сілавікам трэба было пацвярджэнне, што здымкі партала “Штодзень” зроблены яе прыладай”.
Сёлета ў студзені Чындараву затрымалі на польска-беларускай мяжы, выклікалі на дагляд, “праверылі тэлефон і знайшлі “нейкія лайкі“ (пад рэсурсамі, якія ў Беларусі масава прызнаюцца “экстрэмісцкімі“. — “Позірк“.)“.
“У выніку журналістцы прызначылі штраф, а праз некалькі тыдняў яе запрасілі ў КДБ “на размову”, пагражалі турэмным зняволеннем, расправай над роднымі. Пасля гэтага журналістка вырашыла неадкладна пакінуць Беларусь”, — адзначыў Стрыжак.
BySol абвясціў аб зборы сродкаў для журналісткі, які для працягу працы патрабуецца наўтбук.
Гомельскае рэгіянальнае выданне “Штодзень” працуе ў выгнанні, у Беларусі ў траўні 2023 года прылічана да “экстрэмісцкіх фарміраванняў”.
З’явілася ў 2021 годзе як тэлеграм-канал. На той момант ён асвятляў дзейнасць мясцовых валанцёраў, якія дапамагалі рэпрэсіраваным. З таго часу канал вырас у паўнавартаснае рэгіянальнае СМІ з сайтам і сацыяльнымі сеткамі. Сярод тэм таксама былі невядомыя гістарычныя факты з жыцця рэгіёна, ёсць спецпраект, прысвечаны антысавецкаму руху на тэрыторыі сучаснай Гомельскай вобласці.
Аўтарызавацца
Забыліся пароль?
Выхад з профілю
