За тры гады колькасць асоб, пазбаўленых бацькоўскіх правоў, вырасла ў Беларусі амаль на 30%
4 красавіка, Позірк. У 2024 годзе 3.155 чалавек былі пазбаўленыя ў Беларусі бацькоўскіх правоў — на 28,7% больш, чым у 2021-м (2.452), вынікае з праведзенага “Позіркам” аналізу даных Нацыянальнага статыстычнага камітэта.
Найгоршая дынаміка зафіксаваная ў бацькоў ва ўзроставай групе старэй за 41 год: +46,8% (з 718 да 1.054) і 18–24 гадоў: +46,3% (з 95 да 139).
Колькасць дзяцей, бацькі якіх пазбаўлены бацькоўскіх правоў, павялічылася за названы перыяд на 32,7% (з 2.980 да 3.955).