22 красавіка, Позірк. Амерыканская, расійская, а таксама агульная еўрапейская валюты патаннелі на таргах Беларускай валютна-фондавай біржы 22 красавіка.
Курс долара знізіўся да 3,0251 рубля (-0,66%; -0,0202). У апошні раз ён быў на падобным узроўні па выніках таргоў 28 ліпеня 2023 года — 3,0258 рубля.
Каціроўка расійскага рубля зменшылася да 3,6692 за 100 (-0,29%; -0,0107), еўра — да 3,4621 (-0,79%; -0,0274).
Кітайскі юань падаражэў да 4,1214 за 10 (+0,03%; +0,0011).
На мінулым працоўным тыдні (14–18 красавіка) патаннелі долар — на 1,6% (з 3,1086 да 3,059) і юань — на 1,77% (з 4,2087 да 4,1341 за 10); падаражэлі еўра — на 0,86% (з 3,4747 да 3,5046) і расійскі рубель — на 0,97% (з 3,6445 да 3,68 за 100).
Афіцыйны курс долара ў Беларусі за першы квартал гэтага года знізіўся на 10,25% (з 3,4735 да 3,1176 рубля). Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 сакавіка 2025-га (па выніках студзеня і студзеня — лютага таксама другое месца, -1,73% і -8,54% адпаведна).
Аналіз таксама паказаў, што афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рублі). Гэта чацьверты паказчык на тэрыторыі былога СССР.
У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца.
