Колькасць загінулых ад агню з пачатку года перавысіла 280 чалавек

14 траўня, Позірк. Чатыры чалавекі памерлі ад агню за мінулыя дзяжурныя суткі (з 6:00 13 траўня да 6:00 14 траўня), вынікае з дзяжурнай зводкі Міністэрства па надзвычайных сітуацыях.

Пенсіянер 1947 года нараджэння памёр у бальніцы 13 траўня ад апёкаў, атрыманых напярэдадні на пажары ў гаражы ў пасёлку Красная Раніца Чашніцкага раёна (Віцебская вобласць).

Пенсіянерка 1952 г.н. і яе сын 1973 г.н. загінулі ад агню ў Кіраўску (Магілёўская вобласць).

У вёсцы Залессе Клімавіцкага раёна (Магілёўская вобласць) знойдзена цела мужчыны 1967 г.н. Пажар здарыўся ў жылым доме, які належаў яму.

З пачатку года ў Беларусі зафіксавана 2.905 пажараў — на 33,7% больш, чым за аналагічны перыяд 2024-га (2.173). Загінуў 281 чалавек (+20,6%; 233 чалавекі). Траўмавана 212 чалавек (+10,7%; 199), выратавана — 271 (-15,6%; 321).

“Позірк“ неаднаразова звяртаў увагу на заніжэнне статыстыкі смяротнасці на пажарах у зводках МНС.