На чварціну вырасла за год пратэрмінаваная запазычанасць фізічных асоб па крэдытах
31 траўня, Позірк. У студзені — красавіку 2025 года банкі, што працуюць у Беларусі, выдалі фізічным асобам крэдытаў на 5 млрд 325,9 млн рублёў — на 8,5% больш, чым за першую траціну 2024-га (4 млрд 910,5 млн), вынікае з праведзенага “Позiркам” аналізу даных Нацыянальнага банка.
Пратэрмінаваная запазычанасць фізічных асоб па крэдытах на 1 траўня 2025 года склала 42,3 млн рублёў (32,3 млн; +25,3%).
