У Беларусі павялічылася доля стратных арганізацый
25 жніўня, Позірк. Са студзеня да чэрвеня 2025 года ва ўсіх рэгіёнах і сталіцы вырасла доля стратных арганізацый (без уліку суб’ектаў малога прадпрымальніцтва), вынікае з праведзенага “Позіркам” аналізу звестак Нацыянальнага статыстычнага камітэта.
У цэлым па краіне гэты індыкатар павялічыўся на 3,2 працэнтных пункта (з 13% за студзень — чэрвень 2024-га да 16,2% за аналагічны перыяд 2025-га):
Брэсцкая вобласць — на 3,1 п.п. (з 10,5% да 13,6% адпаведна);
Віцебская вобласць — на 2,2 п.п. (з 9,9% да 12,1%);
Гомельская вобласць — на 2,6 п.п. (з 10,4% да 13%);
Гродзенская вобласць — на 2,8 п.п. (з 12,7% да 15,5%);
Мінская вобласць — на 2,6 п.п. (з 13,4% да 16%);
Магілёўская вобласць — на 0,1 п.п. (з 13,2% да 13,3%);
Мінск — на 4,5 п.п. (з 17,4% да 21,9%).
