Літва ўзмоцніць ахову мяжы з Беларуссю падчас вучэнняў “Захад-2025”

9 верасня, Позірк. Аб дадатковым умацаванні межаў з Беларуссю і РФ падчас вучэнняў “Захад-2025” паведаміла 9 верасня Служба аховы дзяржаўнай мяжы Літвы (САДМ).
Адзначаецца, што пасля пачатку міграцыйнага крызісу вясной 2021 года, а таксама ваеннага ўварвання РФ ва Украіну 24 лютага 2024-га ахова знешніх межаў Літвы была “значна ўзмоцненая тэхнічнымі, арганізацыйнымі і кадравымі сродкамі”.
У сувязі з вучэннямі “Захад-2025” узровень кантролю мяжы павышаецца “да яшчэ больш высокага”, гаворыцца ў паведамленні. “Больш актыўны маніторынг мяжы, патруляванне і іншыя кантрольныя мерапрыемствы будуць ажыццяўляцца не толькі сіламі Службы аховы дзяржаўнай мяжы, але і з выкарыстаннем структур нацыянальнай абароны і Саюза стралкоў Літвы”, — паведамляе памежслужба.
Паводле меркавання САДМ, у перыяд правядзення вучэнняў не выключаныя “парушэнні мяжы і правакацыі супраць Літвы”.
“Будзе забяспечвацца аператыўнае рэагаванне на магчымыя інцыдэнты рознага характару з выкарыстаннем як узмоцненых сіл, так і дадатковых тэхнічных сродкаў памежнага кантролю, выведкі і іншых сродкаў, а таксама наяўнай інфраструктуры”, — заявілі ў САДМ.
У ноч на пятніцу 12 верасня Польшча закрые мяжу з Беларуссю, будуць закрытыя таксама чыгуначныя пераходы, паведаміў прэм’ер краіны Дональд Туск. Рашэнне звязана з запланаванымі беларуска-расійскімі стратэгічнымі вучэннямі “Захад-2025”.
Маштабныя вучэнні “Захад-2025” пройдуць 12–16 верасня. Падчас вучэнняў будуць адпрацаваныя “планаванне прымянення” ядзернай зброі і комплексу “Арэшнік”, а таксама супрацьпаветраная абарона, абарончыя баявыя дзеянні, падтрымка тактычнай авіяцыі і інш.
Паводле даных літоўскай ваеннай выведкі, у манеўрах возьмуць удзел да 30 тыс. вайскоўцаў.
Мінск падтрымлівае Маскву ў развязанай ёю ў лютым 2022 года поўнамаштабнай вайне супраць Украіны.


- Грамадства, Палітыка
- Грамадства, ПалітыкаВіцэ-прэзідэнт Кангрэса мясцовых і рэгіянальных уладаў заклікала дапамагаць беларусам, якія засталіся без дакументаў за мяжойМатэрыял даступны толькі падпісчыкам ПОЗІРК+
- Грамадства, ПалітыкаУ дзень заявы Туска пра гатоўнасць адкрыць яшчэ два памежныя пераходы зафіксаваная рэкордная за тыдзень актыўнасць нелегалаў на польскай мяжы (падрабязна)Матэрыял даступны толькі падпісчыкам ПОЗІРК+
- ПалітыкаЛукашэнка захапіў уладу толькі дзякуючы жорсткасці, рэпрэсіям і падтрымцы Пуціна — Ціханоўская (падрабязна)Матэрыял даступны толькі падпісчыкам ПОЗІРК+
- Эканоміка
- Бяспека, Грамадства, Палітыка
- Палітыка, ЭканомікаПасля паслаблення амерыканскіх санкцый "Белавія" будзе прасцей працаваць з доларам — гендырэктар перавозчыкаМатэрыял даступны толькі падпісчыкам ПОЗІРК+
- Эканоміка
- Палітыка
- Бяспека, Грамадства, Палітыка
- Грамадства, Эканоміка
- Палітыка
- ПалітыкаЦіханоўская: У дэмакратыі ёсць інструменты, каб спыніць дыктатараў і войны (падрабязна)Матэрыял даступны толькі падпісчыкам ПОЗІРК+
- Бяспека, Грамадства, Палітыка
- Эканоміка
- Грамадства
- Эканоміка
- Грамадства, Эканоміка
- Бяспека, Палітыка
- ГрамадстваУ Беларусі больш чым у 30 тыс. чалавек дыягнаставаны псарыязМатэрыял даступны толькі падпісчыкам ПОЗІРК+
