Долар, еўра і расійскі рубель падаражэлі на апошніх біржавых таргах лютага

27 лютага, Позірк. Амерыканская, адзіная еўрапейская, а таксама расійская валюты падаражэлі на таргах Беларускай валютна-фондавай біржы 27 лютага 2026 года.

Курс долара вырас да 2,8536 рубля (+0,05%; +0,0013), еўра — да 3,375 (+0,28%; +0,0094), расійскага рубля — да 3,7489 за 100 (+0,003%; +0,0001).

Юань патаннеў да 4,2142 за 10 (-0,002%; -0,0001).

На адыходзячым працоўным тыдні (23-27 лютага) выраслі каціроўкі ўсіх названых валют: долара — на 0,06% (з 2,8518 да 2,8536), еўра — на 0,44% (з 3,3601 да 3,375), юаня — на 1,9% (з 4,1357 да 4,2142 за 10), расійскага рубля — на 0,48% (з 3,7309 да 3,7489 за 100).

На 1,83% (з 2,9027 да 2,8496 рубля) знізіўся афіцыйны курс даляра ЗША ў Беларусі ў студзені гэтага года. Гэта другі паказчык на тэрыторыі былога СССР, сведчыць праведзены “Позіркам“ параўнальны аналіз каціровак цэнтрабанкаў на 31 снежня 2025 года і 31 студзеня 2026-га.

Афіцыйны курс долара ЗША ў Беларусі ў 2025 годзе зменшыўся на 16,43% (з 3,4735 да 2,9027 рубля). Гэта таксама другое месца на тэрыторыі былога СССР.

У 2024 годзе Беларусь была чацвёртай па росце афіцыйнага курсу амерыканскай валюты (+9,32%), у 2023-м — другой (+16,12%), у 2022-м — трэцяй (+7,39%), у 2021-м — чацвёртай сярод краін на тэрыторыі былога СССР, дзе долар патаннеў (-1,19%), у 2020-м — першай па яго падаражэнні (+22,59%).