Рассельгаснагляд не прапусціў у Смаленскую вобласць 56 тон беларускіх памідораў праз “вірус карычневай маршчыністасці”

18 жніўня, Позірк. Федэральная служба РФ па ветэрынарным і фітасанітарным наглядзе (Рассельгаснагляд) не прапусціла ў Смаленскую вобласць тры партыі свежых памідораў агульнай масай каля 56 тон.

“З 13 па 14 жніўня 2026 года <…> у пункце надгляду падкаранціннай прадукцыі каля беларуска-ўкраінскай мяжы па выніках каранціннай фітасанітарнай экспертызы ў трох партыях свежых таматаў агульнай масай каля 56 т выяўлены вірус карычневай маршчыністасці пладоў тамата”, — паведамляе ведамства.

Адзначаецца, што памідоры вырашчаныя ў Віцебскай вобласці, прызначаліся для “спажыўцоў Маскоўскай, Калінінградскай і Смаленскай абласцей”.

“У мэтах недапушчэння распаўсюджвання каранціннага аб’екта на тэрыторыю Расіі ўсе выяўленыя заражаныя партыі таматаў у дзень выяўлення былі вернутыя адпраўніку. Уладальнікам грузу абвешчаныя засцярогі аб недапушчальнасці парушэння абавязковых фітасанітарных патрабаванняў”, — гаворыцца ў паведамленні.

Гл. таксама:

Белстат: У першым паўгоддзі цяплічных памідораў вырашчана больш, агуркоў — менш