15 лістапада, Позірк. Ікра ласосевых рыб, флэш-назапашвальнікі USB з картамі памяці і запалкі сталі лідарамі па падаражэнні ў студзені–кастрычніку 2026 года сярод тавараў (без уліку сезонных) і паслуг, сведчыць праведзены “Позіркам“ аналіз даных Белстата.
Рост цэн з пачатку года склаў адпаведна 35,70%, 30,21% і 29,70% пры агульнай інфляцыі 3,93%.
Акрамя ікры ласосевых сярод несезонных харчовых тавараў апераджальнымі тэмпамі раслі цэны на неразабраную марожаную рыбу (трасковыя, скумбрыевыя) (+14,84%), салёную і вэнджаную рыбу (акрамя селядца і далікатэснай) (+12,69%), грэчку (+11,85%), гатовыя вырабы з рыбы і морапрадуктаў (+11,44%).
У кастрычніку лідарамі па падаражэнні (без уліку сезонных тавараў) сталі ікра ласосевых рыб (+16,27%), жаночыя летнія скураныя туфлі (+7,31%), мужчынскія басаножкі, сандалеты з натуральнай або штучнай скуры (+5,61%), сацыяльнае абслугоўванне дома (+5,57%), электрафены і жывыя зрэзаныя кветкі (па +5,35%).
Агулам за мінулы месяц спажывецкія цэны павялічыліся на 0,32%.
