Лукашэнка прыбыў з двухдзённым візітам у Санкт-Пецярбург
25 снежня, Позірк. Аляксандр Лукашэнка прыбыў з рабочым візітам у Санкт-Пецярбург, паведамляе яго прэс-служба.
25 снежня ён прыме ўдзел у пасяджэнні Вышэйшага Еўразійскага эканамічнага савета (ЕАЭС).
“На парадку дня саміту больш за два дзясяткі пытанняў, якія ў тым ліку датычацца ключавых напрамкаў далейшага развіцця інтэграцыйных працэсаў у ЕАЭС, міжнароднай дзейнасці, макраэканамічнай палітыкі, працы па ліквідацыі бар’ераў, скарачэнні выключэнняў і абмежаванняў на ўнутраным рынку саюза”, — гаворыцца ў паведамленні.
26 снежня анансуецца ўдзел Лукашэнкі ў нефармальнай сустрэчы лідараў краін СНД.
Ці запланаваная двухбаковая сустрэча з прэзідэнтам Расіі Уладзімірам Пуціным, не ўдакладняецца.
Гл. таксама:
Двухбаковая сустрэча Пуціна і Лукашэнкі ў Бішкеку не плануецца — памочнік прэзідэнта РФ