Палову ВУП у студзені — лютым забяспечылі Мінск і Мінская вобласць
18 сакавіка, Позірк. У студзені — лютым 2025 года палову валавога ўнутранага прадукту Беларусі забяспечылі Мінск і Мінская вобласць, сведчыць праведзены “Позіркам” аналіз даных Нацыянальнага статыстычнага камітэта.
Як паведамлялася, ВУП Беларусі (складаецца з ВРП шасці абласцей і сталіцы) за першыя два месяцы бягучага года склаў 38,7 млрд рублёў, у супастаўных цэнах, гэта на 3,1% больш, чым за аналагічны перыяд 2024-га.
Унёсак сталіцы і рэгіёнаў у нацыянальную эканоміку быў наступным:
Мінск — 12 млрд 326 млн 31 тыс. рублёў; доля ў ВУП краіны — 31,8% (у студзені — 30,8%); рост да студзеня — лютага 2024-га — 6,4% (+8%);
Мінская вобласць — 7 млрд 26 млн 77 тыс.; 18,2% (18%); 6,3% (+7%);
Гомельская вобласць — 4 млрд 552 млн 577 тыс.; 11,8% (11,9%); +2,4% (+3,4%);
Брэсцкая вобласць — 4 млрд 375 млн 887 тыс.; 11,3% (11,5%); +3,7% (+5,6%);
Гродзенская вобласць — 3 млрд 997 млн 223 тыс.; 10,3% (10,9%); -2,8% (-6,2%);
Віцебская вобласць — 3 млрд 442 млн 706 тыс.; 8,9% (9%); -0,6% (-0,3%);
Магілёўская вобласць — 2 млрд 985 млн 857 тыс.; 7,7% (7,9%); +2% (+3,7%).