Беларускія і ўкраінскія актывісты просяць улады Львова назваць вуліцу ў гонар Каліноўскага
3 лютага, Позірк. З просьбай назваць адну з цэнтральных вуліц Львова ў гонар Кастуся Каліноўскага да ўладаў украінскага горада звярнуліся арганізацыі “Беларускі інфармацыйны цэнтр у Львове” і “Заходні інфармацыйны фронт”.
На сайце апошняй адзначана, што беларускія і ўкраінскія актывісты просяць мэра Андрэя Садовага і мясцовых дэпутатаў разгледзець гэтае пытанне на наступнай сесіі гарадской рады.
Інфармацыя пра зварот да ўладаў Львова з адпаведнай просьбай з’явілася 2 лютага — у 186-ю гадавіну з дня нараджэння Каліноўскага.
“Украіна ёсць часткай вялікай еўрапейскай сям’і, мы складаем адзінае цэлае з ЕС у супрацьстаянні з пуцінскім рашызмам і лукашэнкаўскай тыраніяй, мы падзяляем адны каштоўнасці і разам выказваем падтрымку беларускаму народу ў яго барацьбе за вызваленне ад пуцінска-лукашысцкай акупацыі і рэпрэсіўнага антынароднага рэжыму”, — гаворыцца ў звароце.
Рашэнне назваць вуліцу ў гонар Каліноўскага, на іх думку, стане “знакам салідарнасці львавян для беларускага грамадства, апазіцыйнага рэжыму”, а таксама “магутным сігналам і жэстам у падтрымку беларускага народа падчас узмацнення рэпрэсій супраць апазіцыі, палітычных вязняў”.
1 лютага стала вядома, што ўлады Роўна вырашыла назваць адну з гарадскіх вуліц у гонар беларускага добраахвотніка Міраслава Лазоўскага, які загінуў у траўні 2023 года ў баі пад Бахмутам.
Ціханоўская: Паўстанне 1863 года засведчыла палітычнае нараджэнне беларускай нацыі
21 студзеня, Позірк. Для беларусаў паўстанне 1863 года ёсць адной з гераічных старонак гісторыі, калі продкі "адмовіліся жыць пад прыгнётам акупантаў", "выбралі годнасць замест пакоры, свабоду замест рабства" і "цывілізаваную Еўропу замест варварскай імперыі", заявіла 21 студзеня на вільнюскіх могілках Расу дэмакратычны …
Імем загінулага беларускага добраахвотніка назвалі вуліцу ў Роўна
1 лютага, Позірк. Камісія па пытаннях наймення гарадскіх аб'ектаў тапанімікі, усталявання памятных знакаў, мемарыяльных і анатацыйных дошак на тэрыторыі Ровенскай гарадской тэрытарыяльнай абшчыны прыняла рашэнне назваць у гонар загінулага беларускага добраахвотніка Міраслава Лазоўскага адну з вуліц. "Перайменаваць праектную вуліцу 5 …