Пуцін даручыў павялічыць фінансаванне папулярызацыі рускай мовы і культуры ў СНД

29 лютага, Позірк. “Прашу ўрад павялічыць фінансаванне міжнародных праграм у сферы прасоўвання рускай мовы і нашай шматнацыянальнай культуры. Найперш, канешне, на прасторы СНД, ды і ў свеце ў цэлым”, — заявіў прэзідэнт Расіі Уладзімір Пуцін 29 лютага падчас штогадовага паслання Федэральнаму сходу.

Тэкст апублікаваны на сайце Крамля.

Непасрэдна Беларусь на працягу больш чым двухгадзіннага паслання ён згадаў толькі аднойчы, расказаўшы аб планах будаўніцтва высакахуткаснай чыгункі паміж Масквой і Мінскай.

“Першы маршрут паміж Масквой і Пецярбургам пройдзе праз Цвер і нашу старажытную сталіцу — Вялікі Ноўгарад. Затым будзем пракладаць магістралі ў Казань і на Урал, у Растоў-на-Доне, на Чарнаморскае ўзбярэжжа, у Мінск, у брацкую Беларусь, па іншых запатрабаваных кірунках”, — сказаў ён.