Намінальная сярэдняя зарплата вырасла за месяц на 1,7%

25 сакавіка, Позірк. Намінальная налічаная сярэдняя заработная плата работнікаў Беларусі ў лютым гэтага года склала 2.025,7 рубля — на 33,8 рубля больш (+1,7%), чым у студзені, але на 245,3 рубля менш (-10,8%), чым у снежні 2023-га, вынікае з інфармацыі Нацыянальнага статыстычнага камітэта.

У лютым 2023 года гэты паказчык складаў 1.687,8 рубля (рост за год — 20,02%).

Інфляцыя ў лютым 2024 года склала 0,9% да студзеня бягучага года, 1,7% да снежня і 5,6% — да лютага мінулага года.

Па ўзроўні намінальнага заробку традыцыйна лідзіруе Мінск — 2.768,0 рубля (у студзені — 2.697,9; +2,60%). У Мінскай вобласці яна склала 2.019,3 (2.011,8; +0,37%), Гомельскай — 1.842,9 (1.827,7; +0,83%), Брэсцкай — 1.785,3 (1.739,1; +2,66%), Гродзенскай — 1.763,4 (1.796,7; -1,85%), Віцебскай — 1.698,4 (1.668,2; +1,81%), Магілёўскай — 1.686,2 (1.666,9; +1,16%).

Больш за ўсё ў лютым было налічана работнікам сектара інфармацыі і сувязі — 5.349,3 рубля (5.182,1 у студзені). Следам ідуць прадстаўнікі сферы фінансаў і страхавання — 3.411,7 (3.533,9); прафесійнай, навуковай і тэхнічнай дзейнасці — 2.461,4 (2.367,3); будаўніцтва — 2.228,5 (2.180,8); прамысловасці — 2.202,7 (2.174,1); транспарту і лагістыкі — 1.955,9 (1.981,6); аптовага і рознічнага гандлю — 1.839,7 (1.819,7); аперацый з нерухомай маёмасцю — 1.731,5 (1.682,1); аховы здароўя і сацыяльных паслуг — 1672,5 (1.662,4); сельскай, лясной і рыбнай гаспадаркі — 1.562,4 (1.563,4); іншых відаў паслуг — 1.544,5 (1.532,4); адукацыі — 1.489,3 (1.447,3); творчасці, спорту, забаў і адпачынку — 1.457,0 (1.450,8); сферы паслуг па часовым пражыванні і харчаванню — 1.436,3 (1.441,7); дзейнасці ў галіне адміністрацыйных і дапаможных паслуг — 1.388,1 (1.388,7).

2 кастрычніка 2023 года Аляксандр Лукашэнка зацвердзіў найважнейшыя прагнозныя (дэ-факта планавыя) параметры развіцця краіны на 2024 год, згодна з якімі рэальныя наяўныя грашовыя даходы насельніцтва павінны вырасці на 3,5%, рэальныя заробкі — на 3,9%, намінальная сярэднямесячная зарплата павінна ўзрасці да 2.087 рублёў (у бюджэтным сектары — да 1.634).