3 красавіка, Позірк. Старшынёй камісіі па міжнародных справах Палаты прадстаўнікоў Нацыянальнага сходу (ПП НС) стаў экс-дыпламат Сяргей Рачкоў, які да нядаўняга часу ўзначальваў пастаянную камісію па міжнародных справах і нацыянальнай бяспецы Савета Рэспублікі.
Паводле інфармацыі прэс-службы ніжняй палаты парламента, двое дэпутатаў, якія перайшлі з сёмага ў восьмае скліканне ПП НС, захавалі свае пасады: Валянцін Семяняка — старшыні камісіі па дзяржаўным будаўніцтве, мясцовым самакіраванні і рэгламенце, Ігар Марзалюк — камісіі па адукацыі, культуры і навуцы.
Віктар Мікалайкін, які раней узначальваў камісію па жыллёвай палітыцы і будаўніцтве, у цяперашнім скліканні будзе кіраваць камісіяй па эканамічнай палітыцы.
Марына Лянчэўская ўзначаліла камісію па заканадаўстве; Генадзь Ляпешка — па нацыянальнай бяспецы; Васіль Панасюк — па бюджэце і фінансах; Іван Маркевіч — па аграрнай палітыцы; Жанна Чарняўская — па экалогіі і прыродакарыстанні; Мікалай Бузін — па правах чалавека, нацыянальных адносінах і СМІ; Ірына Касцевіч (экс-міністр працы і сацабароны)— па працы і сацыяльных пытаннях; Валерый Малашка (экс-міністр аховы здароўя і экс-міністр працы і сацабароны) — па ахове здароўя, фізічнай культуры, сямейнай; Юрый Панфілаў — па прамысловасці, паліўна-энергетычным комплексе, транспарце і сувязі; Юрый Наркевіч (былы член Савета Рэспублікі) — па жыллёвай палітыцы, гандлі і будаўніцтве.
Пералічаныя дэпутаты, а таксама старшыня ПП НС Ігар Сяргеенка (экс-кіраўнік Адміністрацыі прэзідэнта) і яго намеснік Вадзім Іпатаў (былы намеснік старшыні ЦВК) увойдуць у савет ніжняй палаты парламента — яе пастаянна дзейны калегіяльны орган.
