Літоўская мытня затрымала два аўтамабілі Tesla Cybertruck, якія везлі ў Беларусь

8 траўня, Позірк. Літоўскія мытнікі затрымалі два аўтамабілі Tesla Cybertruck 2023 года выпуску, якія везлі ў Беларусь.
Паводле інфармацыі партала навін Delfi, кошт машын складае больш за 200 тыс. еўра.
Мытнікі падазраюць, што аўтамабілі былі прызначаныя для пакупніка з Расіі. На экспарт легкавых аўтамабіляў у гэтую краіну Еўрасаюз увёў санкцыі яшчэ ў 2014 годзе.
Кіроўцаў аўтамабіляў адпусцілі пасля допыту. Крымінальная служба мытні пачала расследаванне па факце кантрабанды і парушэння міжнародных санкцый.
Медыя адзначае, што літоўская мытня ўзмацніла кантроль над экспартам электрамабіляў у трэція краіны. Delfi спасылаецца на даныя даследавання 2023 года, згодна з якімі амаль кожны другі аўтамабіль, экспартаваны ў трэція краіны (Беларусь, Казахстан, Узбекістан і інш.) коштам ад 50 тыс. еўра, пазней трапляў на расійскі рынак.
Напрыканцы сакавіка Польшча, Латвія і Літва перасталі пускаць у Беларусь аўтамабілі на транзітных нумарах з аб’ёмам рухавіка больш за 1,9 літра коштам звыш 50 тыс. еўра.
У красавіку Міністэрства фінансаў Польшчы назваў уведзеныя абмежаванні “эфектыўнай мерай па выкараненні практыкі абыходу санкцый”.

- Грамадства
- Грамадства, Палітыка
- Грамадства, ПалітыкаУ трэцім квартале 2026 года з Грузіі выехала на 7 тыс. грамадзян Беларусі больш, чым заехала ў яе (падрабязна)Матэрыял даступны толькі падпісчыкам ПОЗІРК+
- Эканоміка
- ЭканомікаЗа 10 месяцаў 2026 года найбольш падаражэлі ікра ласосевых, USB-назапашвальнікі і запалкі (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Эканоміка
- Грамадства
- Грамадства
- Палітыка, Эканоміка
- Грамадства, Эканоміка
- Грамадства
- Грамадства
- Палітыка
- Грамадства, ПалітыкаУ кастрычніку Літва надала статус уцекача чатыром грамадзянам БеларусіМатэрыял даступны толькі падпісчыкам ПОЗІРК+
- Эканоміка
- ЭканомікаБеларусь лідзіруе ў ЕАЭС паводле росту цэн на прадукцыю горназдабыўной прамысловасці (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства, ПалітыкаЗа 10 месяцаў 2026 года колькасць беларусаў з дазволам на пражыванне ў Літве зменшылася амаль на 3 тыс. (падрабязна)Матэрыял даступны толькі падпісчыкам ПОЗІРК+
- Грамадства, Эканоміка


