Долар і юань падаражэлі на апошніх біржавых таргах тыдня
7 чэрвеня, Позірк. Амерыканская і кітайская валюты падаражэлі на таргах Беларускай валютна-фондавай біржы 7 чэрвеня.
Курс долара вырас да 3,1831 рубля (+0,0031, +0,1%), юаня — да 4,3869 за 10 (+0,0115, +0,26%).
Каціроўка расійскага рубля не змянілася — 3,5869 рубля за 100.
Таргі еўра не праводзіліся. 6 чэрвеня ён падаражэў да 3,468 рубля (+0,002, +0,06%).
На адыходзячым працоўным тыдні (3–7 чэрвеня) патаннелі долар — на 0,78% (з 3,2082 да 3,1831), юань — на 0,58% (з 4,4127 да 4,3869 за 10), еўра — на 0,38% (з 3,4812 да 3,468); курс расійскага рубля вырас на 0,79% (з 3,5588 да 3,5869 за 100).
Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (3,2542) — шостае месца, за чатыры месяцы — на 2,41%; у траўні знізіўся на 1,48% (3,2059) — трэцяе месца, за пяць месяцаў вырас на 0,89% (восьмае).
За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).
За пяць месяцаў жыхары Беларусі прадалі валюты на 464,3 млн долараў больш, чым купілі
7 чэрвеня, Позірк. У студзені — траўні насельніцтва Беларусі выступіла чыстым прадаўцом замежнай валюты, сведчаць даныя Нацыянальнага банка. Фізічныя асобы набылі замежнай валюты на 4 млрд 399,1 млн долараў (тут і далей у эквіваленце), прадалі — на 4 млрд 863,3 млн (адмоўнае …