Мінабароны правяло зборы з афіцэрамі-фінансістамі
19 чэрвеня, Позірк. Зборы з афіцэрамі фінансава-эканамічнага ўпраўлення Паўночна-Заходняга аператыўнага камандавання і прыпісным складам прайшлі 17–19 чэрвеня, паведамляе прэс-служба Міністэрства абароны.
Кіраваў працай на зборах начальнік галоўнага фінансава-эканамічнага ўпраўлення абароннага ведамства Ігар Мажылоўскі.
Адзначаецца, што зборы былі накіраваныя на ўдасканаленне “формаў і спосабаў фінансавага забеспячэння ў ходзе практычнага выканання абавязкаў у палявых умовах”.
“Падчас збораў вайскоўцы адпрацавалі выкананне функцыянальных абавязкаў ва ўмовах уздзеяння ўмоўнага праціўніка”, — удакладнілі ў ведамстве.
Рэжым Аляксандра Лукашэнкі безупынна праводзіць вучэнні, трэніроўкі, зборы на фоне абвастрэння адносін з Захадам і вайны Расіі супраць Украіны, у якой афіцыйны Мінск падтрымлівае Крэмль.
Вучэнні аб гатоўнасці дзяржорганаў да рэагавання на тэракты пройдуць у Брэсцкай вобласці
10 чэрвеня, Позірк. Вучэнні па праверцы гатоўнасці дзяржаўных органаў да рэагавання на акты тэрарызму пройдуць у Брэсцкай вобласці з 10 па 13 чэрвеня, паведамляюць дзяржСМІ. У мерапрыемствах возьмуць удзел падраздзяленні Камітэта дзяржаўнай бяспекі, Міністэрства ўнутраных спраў, Дзяржаўнага пагранічнага камітэта, Міністэрства …