У аўтааварыі пад Слаўгарадам загінулі тры чалавекі
30 чэрвеня, Позірк. Тры чалавекі загінулі ў дарожна-транспартным здарэнні ў Слаўгарадскім раёне (Магілёўская вобласць), паведамляе прэс-служба МУС.
ДТЗ адбылося 30 чэрвеня каля 17:15 на аўтадарозе “Мяжа РФ — Крычаў — Бабруйск — Івацэвічы”, адзначае ведамства.
“Паблізу горада Слаўгарад, паводле папярэдняй інфармацыі, 26-гадовы кіроўца Chevrolet на скрыжаванні не прапусціў грузавы аўтамабіль DAF, які рухаўся па галоўнай дарозе. У выніку тры пасажыры легкавога аўтамабіля загінулі, двое, у тым ліку кіроўца, шпіталізаваныя. Кіроўца грузавіка дастаўлены ў бальніцу для ацэнкі стану здароўя”, — гаворыцца ў паведамленні.
На месцы здарэння працуюць супрацоўнікі ДАІ і следча-аператыўная група.
МУС традыцыйна нагадала аб неабходнасці строгага выканання правілаў дарожнага руху.
Чарговае смяротнае ДТЗ з удзелам маршруткі — у Навагрудскім раёне
26 чэрвеня, Позірк. У Беларусі зафіксавана чарговае дарожна-транспартнае здарэнне з удзелам маршрутнага таксі, паведамляе Следчы камітэт. Паводле папярэдніх звестак, днём 26 чэрвеня недалёка ад Навагрудка (Гродзенская вобласць) 57-гадовы вадзіцель мікрааўтобуса "Мэрсэдэс" "сутыкнуўся з коннай павозкай". 54-гадовы мясцовы жыхар, які кіраваў …