Кіраўнік тэлеканала “Белсат” Дзікавіцкі абверг абвінавачванні ва злоўжываннях
![](https://pozirk.online/wp-content/uploads/2024/03/dzikavicki-belsat-pozirk-20-03-1128.jpg)
19 ліпеня, Позірк. “Нібыта злоўжыванні”, апісаныя ў артыкуле пра “Белсат” на партале Onet, з’яўляюцца “няпраўдай і паклёпам”, адзначыў на сваёй старонцы ў “Фэйсбуку” цяперашні кіраўнік тэлеканала Аляксей Дзікавіцкі (у допісы называе сябе выканаўцам абавязкаў дырэктара).
“Аўтар артыкула Яцэк Харлуковіч нават не зацікавіўся, як гэтага вымагаюць элементарныя журналісцкія правілы, ані маім каментаром, ані каментарамі іншых асоб, чые прозвішчы пададзеныя ў матэрыяле”, — адзнычыў ён.
Дзікавіцкі паведаміў, што “неўзабаве будзе падрыхтаваная адмысловая заява з падрабязным тлумачэннем сітуацыі, якая пойдзе ў рэдакцыю Onet і іншых медыя”. “У выпадку адмовы ў яе публікацыі, не выключаю юрыдычных крокаў”, — падкрэсліў кіраўнік тэлеканала.
У артыкуле, апублікаваным на згаданым партале 19 ліпеня, заяўляецца, што ў дачыненні да фінансавых парушэнняў на тэлеканале “Белсат” падазраюцца 10 менеджараў, у тым ліку былы дырэктар Агнешка Рамашэўска-Гузы і яе экс-намеснік Дзікавіцкі, які цяпер узначальвае медыя.
Сцвярджаецца, што кіраўніцтва канала падазраюць у заключэнні без тэндэру 248 кантрактаў, многія з іх не былі выкананы.
У публікацыі адзначаецца, што пасярэднікам у заключэнні згаданых дагавароў выступала ІТ-кампанія, якая належыць 37-гадоваму Шымону Пуачу. Пуач, як падкрэсліваецца ў матэрыяле, з’яўляецца віцэ-прэзідэнтам фонду, з якім звязаны Пётр Мюлер — прэс-сакратар папярэдняга ўрада Польшчы на чале з Матэвушам Маравецкім.
Журналіст-расследавальнік Харлуковіч паведамляе, што 17 ліпеня распачатае расследаванне паводле падазрэння ў фінансавых парушэннях на “Белсаце”.
Журналіст пацвярджае, што праз парушэнні тэлеканал мог пацярпець страты на суму каля 7 млн злотых (блізу 1,75 млн долараў). Паводле яго сцвярджэння, да страт на суму каля 5 млн злотых (1,25 млн долараў) маглі прывесці дамовы на аказанне ІТ-паслуг c “фальшывымі рахунак-фактурамі ПДВ”.
Пры гэтым, на думку журналіста, “Белсат” мог зусім не звяртацца да пасрэдніцкіх паслуг кампаніі Пуача, а заключыць неабходныя ўгоды наўпрост з інтэрнэт-правайдэрамі.
Выданне падкрэслівае, што Пуач адхіляе абвінавачванні ў свой адрас, заяўляючы, што “цэны на паслугі былі рынкавымі” і што ён “ніколі не атрымліваў ніякай дадатковай фінансавай і асабістай выгады ад заключэння такога кантракту або заказу”.
8 чэрвеня журналісты-расследавальнікі Radio ZET і RadioZET.pl Марыюш Гершэўскі і Радаслаў Груца паведамілі што, ліквідатар TVР Даніэль Горгаш “апавясціў пракуратуру аб фінансавых парушэннях” на “Белсаце”.
9 ліпеня Рамашэўска-Гузы адпрэчыла абвінавачванні.
На пачатку ліпеня стала вядома, што “Белсат” плануецца ўключыць у склад новай медыяструктуры — Цэнтра замежных праграм (ЦЗП), які аб’яднае тэлеканалы, што вяшчаюць на замежных мовах. Дэмсілы і каманда “Белсата” заклікалі кіраўніцтва Польшчы і TVP захаваць самастойнасць беларускага тэлеканала.
Асноўнай крыніцай фінансавання тэлеканала “Белсат” з’яўляюцца сродкі МЗС Польшчы. У сакавіку Дзікавіцкі паведамляў, што ў 2023 годзе медыя атрымала ад ведамства 63 млн злотых (каля 15,8 млн долараў на сёння), а на 2024 год гэтая сума скарочаная да 40 млн злотых (крыху больш за 10 млн долараў). Такім чынам, фінансаванне зменшана на 36,5%.
Урад прэм’ер-міністра Дональда Туска пасля прыходу да ўлады па выніках парламенцкіх выбараў, якія адбыліся ў кастрычніку 2023 года, пачаў рэвізію грамадскіх і дзяржаўных СМІ, якія, на яго думку, адстойвалі інтарэсы толькі кіруючай да гэтага партыі-канкурэнта “Права і справядлівасць”.
Тэлеканал “Белсат” створаны для вяшчання на Беларусь у 2007 годзе на падставе дамовы паміж МЗС Польшчы і TVP.
- Эканоміка
У жніўні прададзена ўдвая больш легкавых і лёгкіх камерцыйных аўто, чым годам раней — БАА
- Палітыка
Лукашэнка прапанаваў каралю Эсваціні Мсваці III узгадніць у Беларусі "планы на будучыню"
- Палітыка
Еўрасаюз зноў "прыняў да ведама" памілаванне беларускіх палітвязняў
- Палітыка
Затрыманаму грамадзяніну Японіі прад'яўлена абвінавачанне ў агентурнай дзейнасці — КДБ
- Грамадства, ПалітыкаХроніка палітычных рэпрэсій за 5 верасня 2024 годаМатэрыял даступны толькі падпісчыкам ПОЗІРК+
- Палітыка
МЗС Літвы асудзіў "акты вандалізму" ў дачыненні да беларускай абшчыны, учыненыя "па сцэнары КДБ"
- Палітыка
Праваабаронцам вядомыя імёны сямі вызваленых па апошнім указе аб памілаванні
- Палітыка, Эканоміка
Эканамічныя ведамствы Беларусі і РФ абмеркавалі павелічэнне паставак беларускіх ліфтаў
- Грамадства, Палітыка
МУС прапануе блакаваць "экстрэмісцкі кантэнт" на стадыі даследчай праверкі
- Грамадства, Палітыка
Марафон салідарнасці "Нам не ўсё адно!" дапамог больш чым 900 палітзняволеным — АПК
- Палітыка
"Кіберпартызаны" зноў узламалі сайт "Гомельскай праўды"
- Палітыка
У Libereco назвалі "гонарам" для арганізацыі прызнанне ў Беларусі "экстрэмісцкім" яе акаўнта ў "X"
- Грамадства, ПалітыкаКанстанцінопальская праваслаўная царква апавешчаная аб абстрэле памяшкання беларускага прыходу ў ВільнюсеМатэрыял даступны толькі падпісчыкам ПОЗІРК+
- Грамадства, Палітыка
Сейм Латвіі ў першым чытанні падтрымаў папраўкі з забаронай на знаходжанне ў краіне аўто з беларускімі нумарамі
- Грамадства, Палітыка
Падзенне дронаў і іх частак уяўляе прамую небяспеку для жыцця беларусаў — Кабанчук
- Грамадства, Палітыка
Менеджар EPAM Дзіяна Завадская выйшла на волю на падставе памілавання
- Эканоміка
Долар і юань падаражэлі на біржавых таргах 5 верасня
- Грамадства
Колькасць транспарту, які прайшоў тэхагляд, за апошнія 12 месяцаў зменшылася на 2,7%
- Грамадства
Былы намеснік міністра энергетыкі Міхадзюк асуджаны на 6 гадоў зняволення
- ЭканомікаБеларусь застаецца лідарам у ЕАЭС у дынаміцы сельгасвытворчасці — ЕЭКМатэрыял даступны толькі падпісчыкам ПОЗІРК+
- Грамадства, ПалітыкаВС разгледзіць скаргу на вырак Вячорку 10 верасня, палітык ад суда "нічога не чакае"Матэрыял даступны толькі падпісчыкам ПОЗІРК+
- Палітыка, Эканоміка
Беларусь пачала "сур'ёзную супрацу" з рэгіёнамі КНР — Лукашэнка
- Грамадства, ПалітыкаЗа серыяй антыбеларускіх актаў вандалізму ў Вільнюсе стаіць рэжым Лукашэнкі, упэўнены Офіс Ціханоўскай (падрабязна)Матэрыял даступны толькі падпісчыкам ПОЗІРК+
- Грамадства
Праз падзенне "меркавана збітага беспілотніка" гарэў склад у Гомелі — МНС
- Грамадства, Палітыка
За серыяй антыбеларускіх актаў вандалізму ў Вільнюсе стаіць рэжым Лукашэнкі, упэўнены Офіс Ціханоўскай
- Грамадства, Палітыка
Ціханоўская: Вайна падкрадаецца да Беларусі, і мы павінныя яе спыніць
- ЭканомікаЗа сем месяцаў Беларусь набыла тавараў за мяжой на 2,3 млрд долараў больш, чым прадалаМатэрыял даступны толькі падпісчыкам ПОЗІРК+
- Грамадства, Палітыка
Урад надаў ЛДП права арэнды са зніжкай — адзіную з партый
- Палітыка
Мінабароны пацвердзіла факт знішчэння беспілотнікаў, якія заляцелі ў Беларусь у ноч на 5 верасня
- ГрамадстваУ Мінску пабіты тэмпературны рэкорд больш чым 40-гадовай даўніныМатэрыял даступны толькі падпісчыкам ПОЗІРК+