У Мінску абследуюць атракцыёны пасля аварыі ў парку Чалюскінцаў
8 ліпеня, Позірк. Прынятае рашэнне аб дадатковым абследаванні атракцыёнаў сталіцы, заявіў 8 ліпеня намеснік старшыні Мінгарвыканкама Алег Корзун.
Дадатковыя праверкі прызначаныя на фоне аварыі 6 ліпеня на атракцыёне “Лебедзі” ў парку Чалюскінцаў, у якой пацярпелі ў тым ліку дзеці.
“Усе атракцыёны пасля сезоннага захоўвання праходзяць абавязковую праверку Дзяржпрамнаглядам МНС, у выніку якой выдаецца спецыяльны дазвол на эксплуатацыю атракцыёнаў у перыяд адкрыцця паркаў. Такая ж праверка была праведзеная ў дачыненні да атракцыёна “Лебедзі”, — цытуе Корзуна прэс-служба Мінгарвыканкама.
Паводле слоў чыноўніка, дазвол Дзяржпрамнагляду на эксплуатацыю гэтага атракцыёну выдадзены 25 красавіка.
Каментуючы аварыю, Корзун заявіў, што да яе прывяло “рэзкае апусканне праз парыў (пашкоджанне) зварнога завадскога вузла, якое пацягнула паломку гідраўлічнага бака і парыў гідраўлічных шлангаў”.
“Я ўпэўнены, што тое, што адбылося ў суботу, з’яўляецца збегам абставінаў. Гэта здарэнне носіць адзінкавы характар”, — сказаў ён, падкрэсліўшы, што ніхто не атрымаў траўмаў.
Пра падзенне атракцыёну каля 20 гадзін 6 ліпеня паведамілі карыстальнікі сацсетак. Гаворка ішла аб чатырох пацярпелых і мностве машын хуткай медыцынскай дапамогі на месцы здарэння.
Пазней дзяжурны механік парку ўдакладніў тэлеканалу АНТ, што траўмы атрымалі двое дарослых і дзіця. Паводле яго слоў, ва ўсіх “лёгкія ўдары і драпіны”, пры гэтым “адно дзіця вельмі моцна спалохалася, і яго забрала хуткая”.
12 траўня ў Лідзе (Гродзенская вобласць) 11-гадовая дзяўчынка выпала з атракцыёну ў парку забаў. Паводле інфармацыі Міністэрства аховы здароўя, дзіця атрымала множныя спалучаныя траўмы.
Раённы аддзел СК распачаў справу паводле ч. 2 арт. 338 Крымінальнага кодэкса (аказанне паслуг, якія загадзя не адпавядаюць патрабаванням бяспекі для жыцця або здароўя спажыўцоў, што пацягнула па неасцярожнасці прычыненне цяжкага цялеснага пашкоджання).
28 чэрвеня 2018 года ў мінскім парку Чалюскінцаў падчас руху зламаўся атракцыён “Калабок”: Кабінка з двума наведвальнікамі кранула зямлю. Пацярпелых не было.
7 ліпеня 2008 года ў тым жа парку ўпала дзіцячая карусель, шэсць чалавек, у тым ліку сямігадовае дзіця, атрымалі траўмы.
- Грамадства
- Грамадства, Палітыка
- Палітыка
- Грамадства, Палітыка
- Грамадства
- Грамадства, Палітыка
- Палітыка
- Грамадства, Палітыка
- ГрамадстваМінюст дамагаецца ліквідацыі "Супрацоўніцтва і ўзаемаразумення" і "Кропкі апоры"Матэрыял даступны толькі падпісчыкам ПОЗІРК+
- Грамадства, Палітыка
- Палітыка, Эканоміка
- Грамадства, Палітыка
- Палітыка, Эканоміка
- ГрамадстваУпершыню за час публікацыі Нацбанкам квартальнай статыстыкі не выяўлена падробленых беларускіх рублёўМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- Палітыка
- ПалітыкаФрыдман: Зварот Польшчы ў Гаагу ўслед за Літвой наўрад ці ўскладніць лёс Пачобута (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, ПалітыкаАктыўнасць нелегалаў на мяжы Беларусі і ЕС у параўнанні з пачаткам верасня знізілася ў паўтара разаМатэрыял даступны толькі падпісчыкам ПОЗІРК+
- ПалітыкаВячорка: Прызнанне мяне "тэрарыстам" — гэта такая форма дыялогу ў разуменні Лукашэнкі і яго памагатыхМатэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка
- Палітыка
- Палітыка
- Грамадства
- ГрамадстваУ Мсціславе зафіксаваны першы тэмпературны рэкорд кастрычнікаМатэрыял даступны толькі падпісчыкам ПОЗІРК+
- Палітыка
- Грамадства, Эканоміка